Ապրիլի 8-ից 19-ը Թբիլիսիում կայանալիք ծանրամարտի տղամարդկանց Եվրոպայի 94-րդ առաջնությանը նախապատրաստվող մեր ազգային հավաքականում ամենայն հավանականությամբ մեկ մարզիկի քաշային փոփոխություն կկատարվի:
Գլխավոր մարզիչ Փաշիկ Ալավերդյանը Aravot.am-ին այսօր տեղեկացրեց, որ հավաքականի հիմնական կազմն արդեն հայտնի է (Հայաստանը հանդես է գալու ութ ծանրորդով), սակայն Թբիլիսի մեկնող տարաներից մեկը կարող է փոխել անձնական քաշը: Խոսքը 77 կգ քաշայիններ Տիգրան Գ. Մարտիրոսյանի, Անդրանիկ Կարապետյանի եւ Առաքել Միրզոյանի մասին է, որոնցից մեկը, հնարավոր է, տեղափոխվի 85 կգ քաշային կարգ: Իսկ մյուս քաշային կարգերում Հայաստանը կներկայացնեն. 56 կգ՝ Սմբատ Մարգարյան, 69՝ Ռուստամ Կարապետյան եւ Վանիկ Ավետիսյան, 85՝ Աղասի Աղասյան, 105՝ Սիմոն Մարտիրոսյան:
Աշոտ ՀԱԿՈԲՅԱՆ
