Սերժ Սարգսյանն իր պաշտոնավարման այս տարիների ընթացքում մեկ օգտակար գործ, այնուամենայնիվ, արել է. նա հետեւողականորեն լյուստրացիայի է ենթարկել քաղաքական դաշտը։ Հիմա, կարելի է ասել, Ս. Սարգսյանն այդ կտավի վերջին «շտրիխներն» է անում՝ ավարտին մոտեցնելով քաղաքական դաշտը սեւ ու սպիտակի բաժանելու գործընթացը, եւ երեկ ողջ օրը Ս. Սարգսյանը զբաղված էր այդ գործով։
Ինչպես հայտնի է, Սերժ Սարգսյանը սահմանադրական փոփոխությունների գործընթացի վերաբերյալ քննարկումների շարք է նախաձեռնել՝ լայն քաղաքական կոնսոլիդացիա ձևավորելու համար։ Երեկ նա հասցրել է հանդիպել միանգամից վեց կուսակցության ներկայացուցիչների։ Եվ ի՞նչ կուսակցություններ՝ մեկը մեկից «հզոր ու սկզբունքային», մեկր մեկից «լավն ու աղվորիկ», եւ որ ամենակարեւորն է՝ մեկը մեկից «ընդդիմադիր», Հայ Հեղափոխական Դաշնակցություն, Միավորված աշխատանքային կուսակցություն, Բարգավաճ Հայաստան, Օրինաց երկիր, Ազատ դեմոկրատներ, Հայոց համազգային շարժում, եւ վերջապես՝ ժառանգություն։
Բաղրամյան 26-ը երեկ հոգացել էր ոչ միայն հանդիպումների մասին տեղեկատվության անխափան մատուցման, այլեւ այդ հանդիպումների ընթացքում տիրող մթնոլորտն ամենայն մանրամասնությամբ հասարակությանը հասցնելու մասին։
Դատելով Բադրամյան 26– ի մատուցած լուսանկարների շարքից, երբեմնի հակառակորդների հանդիպումներն անցել են առավել քան ջերմ մթնոլորտում։ Պատահական չէ, որ բացի Բարգավաճ Հայաստանից, մյուս կուսակցությունները հանդիպումից հետո կամ անցել են ընդհատակ, կամ՝ գովերգում են սահմանադրական փոփոխությունների գաղափարը:
Կարդացեք նաև
Այսքանից հետո նկատենք, որ Սերժ Սարգսյանը սահմանադրական փոփոխությունների հարցում հայտնվել է խղճուկ վիճակում, նա չի կարող այս նախաձեռնության վերաբերյալ լայն քաղաքական կոնսոլիդացիա ապահովել, եւ հիմա փորձում է համախմբման իմիտացիա ստեղծել՝ Բաղրամյան 26-ում հանդիպելով մանր¬մունր ինչ-որ ուժերի։ Միայն թե, Ս. Սարգսյանն ինքն էլ լավ գիտի, որ իր նախաձեռնությանը կողմ արտահայտված այս կուսակցությունների հանրագումարային վարկանիշը հասարակության մեջ տատանվում է 2-3 տոկոսի միջակայքում, ոչ ավելին։
Արման ԳԱԼՈՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
