Կանանց տոնական միամսյակի շրջանակներում, մարզպետարանի նիստերի դահլիճում, ՀՀ Կոտայքի մարզպետ Ա. Հարությունյանի, ինչպես նաև Հրազդանի և Չարենցավանի տարածաշրջանների համայնքապետերի նախաձեռնությամբ տեղի է ունեցել 7 և ավել երեխաներ ունեցող բազմազավակ մայրերի ու 100 և ավելի տարիք ունեցող բնակչուհիների համար կազմակերպված շնորհավորական ձեռնարկ:
ՀՀ Կոտայքի մարզպետ Ա. Հարությունյանը շնորհավորելով և դրամական նվերներ է հանձնելով միջոցառման 50 մասնակիցներին՝ իր խոսքում ընդգծել է հայ կնոջ դերն ու բացառիկ նկարագիրը հայեցի ամուր ընտանիքի կերտման, ինչպես նաև հայկական պետականության կայացմանը անմնացորդ նվիրումի և հերոսական ներկայության անհերքելի իրողությունները, նրանց մաղթել հարատև երջանկություն և ամենայն բարիք:
Հանդիպման ընթացքում ծավալված ջերմ և անմիջական զրուցի ժամանակ, ցուցաբերված ուշադրության և ջերմ վերաբերմունքի համար, շնորհակալական խոսքով հանդես են եկել միջոցառման մասնակիցները:
Շնորհավորական խոսքով հանդես է եկել նաև Հազդանի քաղաքապետ Արամ Դանիելյանը:
Կարդացեք նաև
Կոտայքի մարզպետ Ա. Հարությունյանը ամփոփելով միջոցառումը՝ ևս մեկ անգամ վստահեցրել է, որ մշտապես իր և համայնքապետերի ուշադրության ու հոգածության կենտրոնում են լինելու մարզի կանանց հիմնախնդիրները և դրանց տրվելու են համապատասխան լուծումներ:
Հավելենք, որ նման միջոցառումներ տեղի են ունենալու նաև մարզի Աբովյանի և Եղվարդի տարածաշրջաններում:
ՀՀ Կոտայքի մարզպետարանի
աշխատակազմի տեղեկատվության
և հասարակայնության հետ կապերի բաժին
