Նրանք ստորագրել են չհեռանալու մասին:
Սպիտակի բնակիչ,1986թ. ծնված Արկադի Աջամյանին մեղադրանք է առաջադրվել այն բանի համար, որ նա, նպատակ ունենալով ՀՀ-ից Վրաստանի Հանրապետություն մաքսանենգ եղանակով տեղափոխել խոշոր չափերով գումար եւ դրա համար նախնական համաձայնության գալով համաքաղաքացի,1978թ. ծնված Դավիթ Օհանյանի հետ, վերջինիս միջոցով 2014թ. հուլիսի 31-ին կազմակերպել է թույլատրված չափը գերազանցող, 14 միլիոն 973 հազար 280 ՀՀ դրամին համարժեք 36 հազար 880 ԱՄՆ դոլարի եւ 5 միլիոն 430 հազար դրամին համարժեք 10 հազար եվրո գումարի մաքսանենգ տեղափոխումը Վրաստան:
Ըստ մեղադրական եզրակացության՝ Դ. Օհանյանը Ա. Աջամյանից ստանալով նշված գումարները, դրանց հայտնաբերումը դժվարացնելու նպատակով 36 հազար 880 դոլարի մի մասը թաքցրել է գոտկատեղում, մի այլ մասը եւ 10 հազար եվրոն տեղադրել գրպաններում, իսկ 10 հազար դոլարը փոխանցել է իր հետ Վրաստան մեկնող Նորայր Թորոսյանին՝ վերջինիս չտեղեկացնելով հանցավոր նպատակի մասին: Դ. Օհանյանը նույն օրը ժամանել է «Բագրատաշեն» մաքսակետ, փորձել է ՀՀ-ից մաքսային սահմանով Վրաստան տեղափոխել վերոհիշյալ գումարները, սակայն իր կամքից անկախ հանգամանքներում հանցագործությունն ավարտին չի հասցրել:
Կարդացեք նաև
Արկադի Աջամյանին մեղադրանք է առաջադրվել ՀՀ քրեական օրենսգրքի 38-34-215 հոդվածի 1-ին մասով, Դ. Օհանյանին` 34-215 հոդվածի 1-ին մասով: Ըստ «Դատալեքս» դատական տեղեկատվական համակարգի՝ երկուսի նկատմամբ էլ խափանման միջոց է ընտրվել չհեռանալու մասին ստորագրությունը: Սույն քրեական գործով դատավարությունն այժմ ընթանում է Տավուշի մարզի առաջին ատյանի դատարանի Իջեւանի նստավայրում:
Ոսկան ՍԱՐԳՍՅԱՆ
