Ճի՞շտ է, որ բժշկական փաստաթուղթը նաեւ իրավաբանական փաստաթուղթ է

Նամակ՝ առողջապահության նախարարին

«Առավոտ» օրաթերթի 14.02.2015թ. համարում ես «բաց նամակով» Ձեզ խնդրել էի վերոհիշյալ օրաթերթի միջոցով պատասխանել ինձ հուզող մի հարցի:
Ցավոք սրտի, դրա փոխարեն ես նամակ ստացա Ձեր աշխատակազմի ղեկավարի տեղակալ Ա. Պետրոսյանից, ով, ըստ էության, չպատասխանելով իմ հարցին, ինձ հայտնում է. «ՀՀ օրենսդրության համաձայն՝ ՀՀ առողջապահության նախարարությունը իրավասու չէ առարկա դարձնել դատական կարգով իրականացված բժշկական փորձաքննության արդյունքները եւ վերանայել դրանք. դատական կարգով հաստատված հանգամանքները, այդ թվում դատաբժշկական փորձաքննության արդյունքները կարող են վերանայվել միայն դատական կարգով»:

Իմ բաց նամակում իմ կողմից ոչ մի ակնարկ չկա այն մասին, որ ես Ձեզ դիմել եմ քննարկման առարկա դարձնել եւ վերանայել դատական կարգով իրականացված բժշկական փորձաքննության արդյունքները կամ դատական կարգով հաստատված հանգամանքները:

Շնորհակալ եմ խորհրդի համար. այդ մասին ես հրաշալի իրազեկված եմ:
Չստանալով ինձ հուզող հարցի պատասխանը՝ կրկին դիմում եմ Ձեզ եւ խնդրում եմ «Առավոտ» օրաթերթի միջոցով ինձ պատասխանել:

Ճի՞շտ է, որ բժշկական փաստաթուղթը նաեւ իրավաբանական փաստաթուղթ է, եւ հիվանդն այն չափով է օգնություն ստացել, ինչ չափով որ բժշկական փաստաթղթերում առկա են նշումներ:

ՀԱՅԿԱՆՈՒՇ ՄԱՆՈՒԿՅԱՆ
ՀՀ քաղաքացի

«Առավոտ» օրաթերթ
11.03.2015