2016-ի ապրիլի 24-ին հոլիվուդյան ամենահայտնի աստղերից մեկը` Ջորջ Քլունին, Երևանում կմասնակցի նորաստեղծ «Ավրորա» ամենամյա մրցանակաբաշխությանը, գրում է New York Times-ը` հավելելով, որ այս մրցանակը հիմնադրվել է մոսկվաբնակ հայտնի գործարար Ռուբեն Վարդանյանի ջանքերով:
«Հայկական Սփյուռքի առաջնորդները, պատրաստվելով Հայոց ցեղասպանության 100-ամյակին, համագործակցել են հոլիվուդյան աստղերի և իրավապաշտպանների հետ` հիմնադրելով մի մրցանակ, որ շնորհվելու է հանուն ուրիշների փրկության իրենց կյանքը վտանգած մարդկանց»,- գրում է ամերիկյան ամենահեղինակավոր պարբերականներից մեկը։
«Մարդասիրական այս մրցանակի ստեղծումը պաշտոնապես կազդարարվի այսօր` Նյու Յորքում: Այս քայլը հայտնի հայերի կողմից ձեռնարկվող ծավալուն ջանքերի մի մասն է: Դրա նպատակը Օսմանյան Թուրքիայի կողմից իրականացված և մինչ օրս Թուրքիայի կառավարության կողմից ժխտվող Հայոց ցեղասպանության փաստագրումն ու արխիվացումն է` 1915 թվականի իրադարձությունները վերապրած մարդկանց և նրանց փրկիչների պատմությունների միջոցով. այնպես, ինչպես դա արվել է Հոլոքոսթի դեպքում»,- գրում է New York Times-ը:
Պարբերականը մեջբերում է Ռուբեն Վարդանյանի խոսքը.- «Բազմաթիվ հայերի կյանքը փրկած մարդկանց կողմից ցուցաբերած որակները` մարդկայնությունը, մեծահոգությունը, ուժն ու զոհողությունների գնալու պատրաստակամությունը պարտավորեցնում մեզ աշխարհին ներկայացնել այս բոլոր պատմությունները»։
Կարդացեք նաև
Գեւորգ Ստամբոլցյան
Նյութի մանրամասները կարդացեք «Ազատություն» ռադիոկայանի կայքում
