Հետաքրքրական է, որ ԲՀԿ-ն լքած որոշ պատգամավորներ, կարծես թե մտափոխվել են։ Եթե նախկինում ԲՀԿ քարտուղար Նաիրա Զոհրաբյանը, խոսելով քաղաքական ուժի եւ խմբակցության անունից, վստահեցնում էր, որ եթե փոփոխությունների նախագիծը մտնի ԱԺ, խմբակցությունը միաձայն դեմ կքվեարկի, ապա իրերի այս դասավորության դեպքում երեւի թե կգրանցվի այլ պատկեր։ «Չորրորդ իշխանության» հետ զրույցում մասնավորապես ԲՀԿ-ն լքած երկու պատգամավոր՝ Արագած Ախոյանը եւ Հարություն Ղարագյոզյանը (Կարամելի Հարութը), տեղեկացրեցին, թե տեղյակ չեն սահմանադրական փոփոխությունների հայեցակարգին եւ այն սկզբունքներին, որոնք կլինեն նոր սահմանադրության հիմքում։
Հարցին, թե եթե փոփոխությունների նախագիծը մտնի խորհրդարան, ապա ինչպես կքվեարկեն պատգամավորները՝ Ախոյանը եւ Ղարագյոզյանը դժվարացան պատասխանել։
Պատգամավորների փոխանցմամբ՝ իրենք որոշում կընդունեն այն ժամանակ, երբ ԱԺ-ում ծավալվի քննարկում, մասնակցեն այդ քննարկումներին եւ իրենք էլ կտեսնեն, թե ինչ է իրենից ներկայացնում այդ փաստաթուղթը։
Հավելենք, որ ԲՀԿ-ն ի սկզբանե հայտարարել էր, թե չի մտնելու բովանդակային քննարկման մեջ, իսկ ԲՀԿ-ից դուրս եկած երկու պատգամավորները, կարծես թե, պատրաստ են քննարկել եւ չի բացառվում, որ իշխանություններին հաջողվի նրանց «համոզել», որպեսզի կողմ քվեարկեն փոփոխությունների նախագծին։
Կարդացեք նաև
Լիլիթ ԼԱԼԱՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
