Պաշտոնյաների արտասահմանյան գործուղումների համար Ֆինանսների նախարար Գագիկ Խաչատրյանը կառավարությունից կրկին գումար ուզեց՝ պատճառաբանելով, որ ֆինանսական ծախսերն առաջին եռամսյակում չեն բավարարել: Այսօր կառավարության նիստում Գագիկ Խաչատրյանը վարչապետին ասաց, որ լրացուցիչ 50 միլիոն է անհրաժեշտ:
Հովիկ Աբրահամյանը չմերժեց: Գումարը հատկացվելու է պետական բյուջեի միջոցներից: Կառավարության նիստում այդպես էլ չմանրամասնվեց, թե լրացուցիչ գումարի անհրաժեշտությունն ինչու է առաջացել: Գագիկ Խաչատրյանը նաեւ ասաց, որ կրթության գերազանցության ծրագրի չորորդ եռամսյակի 225 միլիոն դրամը կտեղափոխվի առաջին եռամսյակ:
Լուսինե ԲՈՒԴԱՂՅԱՆ
