ՄԱԿ-ի մարդու իրավունքների գերագույն հանձնակատար Զեիդ Ռաադ Ալ Հուսեյնը զգուշացրել է, որ աշխարհում անմեղներին ահաբեկողների դեմ պայքարում կարող է շրջադարձային փոփոխություն լինել:
«Vatican Radio»-ի տեղեկացմամբ՝ իր ելույթում հանձնակատարը կոչ է արել Միացյալ Նահանգներին՝ դաժան ծայրահեղականության դեմ պայքարում «ձեռքից բաց չթողնել» մարդու իրավունքների սկզբունքները, որոնք իրենց հասարակության հիմքն են:
ՄԱԿ-ի մարդու իրավունքների գերագույն հանձնակատարն ասել է. «Կա իրական վտանգ, որ ծայրահեղականների բռնությունների դեմ պայքարում ղեկավարները եւ որոշում կայացնողները կկորցնեն իրենց խորը սկզբունքները, որոնք ամրապնդում են գլոբալ անվտանգությունը, որը Միացյալ Նահանգները կառուցել է 70 տարի առաջ՝ պատերազմը կանխելու համար»:
Հուսեյնը նշել է, որ ահաբեկչության դեմ կռիվը պայքար է ժողովրդավարության եւ մարդու իրավունքների արժեքները պահելու եւ ոչ քայքայելու համար: «Հակաահաբեկչական գործողությունները, որոնք անհամաչափ, դաժան եւ ոչ համարժեք են, խախտում են հենց այն նորմերը, որոնք մենք ձգտում ենք պաշտպանել»:
Կարդացեք նաև
Զեիդն ասում է, որ «Իսլամական պետություն» ահաբեկչական խմբավորումը ոչ միայն Իրաքում եւ Սիրիայում է, այլեւ Նիգերիայում, Յեմենում, Լիբիայում, Սոմալիում եւ այլն:
Գերագույն հանձնակատարը նաեւ խորապես մտահոգված է այն միջոցների առնչությամբ, որոնք մի շարք երկրներում սահմանափակում են խոսքի ազատությունը: Ըստ նրա՝ այդ երկրներն են Հայաստանը, Ադրբեջանը, Բանգլադեշը, Բուրունդին, Կոնգոն, Եգիպտոսը, Հունգարիան, Ռուսաստանը, Սաուդյան Արաբիան, Թուրքիան եւ այլն:
Պատրաստեց Աշոտ ԻՍՐԱԵԼՅԱՆԸ
