Մարտի 12-13-ը Եվրոպայի խորհրդարանական վեհաժողովի (ԵԽԽՎ) Մեծ Բրիտանիայի պատվիրակ Ռոբերտ Վոլտերը փաստահավաք առաքելությամբ կայցելի Բաքու, որպեսզի տվյալներ հավաքի Լեռնային Ղարաբաղի մասին զեկույցի պատրաստման համար:
Քիչ առաջ նման որոշում է կայացվել Փարիզում Եվրոպայի խորհրդի խորհրդարանական վեհաժողովի նիստի ընթացքում:
Հիշեցնենք, որ ԵԽԽՎ Բյուրոն սեպտեմբերի 27-ին` աշնանային նստաշրջանի ընթացքում որոշում կայացրեց պատրաստել «Լեռնային Ղարաբաղում և Ադրբեջանի մյուս օկուպացված տարածքներում բռնությունների աճ» թեմայով զեկույց: Նախապատրաստական աշխատանքների շրջանակներում Ռոբերտ Վոլտերը Բաքվում կհանդիպի Ադրբեջանի նախագահին, ԱԺ նախագահին, Արտաքին գործերի և պաշտպանության նախարարներին, քաղաքական կուսակցությունների ղեկավարների և ԵԽԽՎ-ում Ադրբեջանի պատվիրակության անդամների: Հայաստան և ԼՂՀ այցելության մասին հարց դեռ չի քննարկվել:
Տաթև ՀԱՐՈՒԹՅՈՒՆՅԱՆ
