«Հետախույզ վետերանների» միության անդամ Արթուր Բունիաթյանի համար անտրամաբանական է, թե ինչ հիմքով են խաղաղ պայմաններում զոհված զինծառայողների ծնողների նկատմամբ պարբերաբար բռնություններ տեղի ունենում նախագահական նստավայրի դիմաց:
«Երևույթը շատ անպարզ է»,-այսօր «Հենարան» ակումբում ասաց Արթուր Բունիաթյանը:
Նրա կարծիքով, սահմանում լարվածությունը վերացնելու համար պետք է քաղաքական փոփոխություններ կատարվեն, օրինակ` քաղաքական ուժերին հրահանգ տրվի՝ բոլորը պետք է լռեն, քանի որ սահմանում իրավիճակը լարվել է: Հետո դժգոհեց, որ հայկական կողմը հակառակորդին համապատասխան ադեկվատ պատասխան չի տալիս, ինչը պետք է վերանայել. «Ի՞նչ է նշանակում՝ Ադրբեջանից կիլոմետրերով ճանապարհ կտրի, գա զասադա անի, սպանի մեր հողի վրա ու գնա»:
Արթուր Բունիաթյանը դիմեց նաեւ ՊՆ-ին՝ խորհուրդ տվեց խորհուրդ հարցնելու համար իրեն դիմել, խոստացավ լավ խորհուրդներ տալ. «Մենք էլ երկար ճանապարհ ենք անցել, կարող է մի խորհուրդ տանք»:
Կարդացեք նաև
Նա դժգոհ էր նաեւ հետախույզների աշխատանքից. «Սահմանագծում այնպիսի միջոցառումներ պետք է կիրառենք, որ արժանի պատասխան տրվի, մենք 21-րդ դարում ենք ապրում»:
Արփինե ՍԻՄՈՆՅԱՆ
