«Ֆրանսիան չի ճանաչում Լեռնային Ղարաբաղի անկախությունը եւ երկար ժամանակ միջնորդ է հանդիսանում, ԵԱՀԿ Մինսկի խմբի համանախագահների մեկն է եւ հակամարտության խաղաղ կարգավորման տարբերակներ է փնտրում, որը հիմնված կլինի միջազգային իրավունքի նորմերի վրա»,- այս մասին ադրբեջանական Trend.az գործակալությանը հայտնել է Ադրբեջանում Ֆրանսիայի դեսպան Պասկալ Մոնիեն:
Նա մեկնաբանել է Ֆրանսիա-Լեռնային Ղարաբաղի Հանրապետության միջխորհրդարանական բարեկամական խմբի երեք անդամներ, սենատորներ Սոֆի Ժուասենի, Միշել Ամելիայի եւ Բուր լե Բալանս քաղաքի քաղաքապետ Մարլենա Մուրիեի խոսքերը: Հիշեցնենք, որ ֆրանսիական «Էքսպրես» թերթում նրանք հանդես էին եկել Լեռնային Ղարաբաղի անկախության միջազգային ճանաչման օգտին:
Դեսպանի խոսքերով, եթե Ֆրանսիայի Սենատի անդամը հանդես է գալիս Լեռնային Ղարաբաղի ճանաչման օգտին, նա արտահայտում է իր անձնական կարծիքը եւ ոչ Ֆրանսիայի դիրքորոշումը:
Պասկալ Մոնիեն նաեւ հավելել է, որ Ֆրանսիան որեւէ հարաբերություն չունի Լեռնային Ղարաբաղի իշխանությունների հետ:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
