Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Արմեն Բեկթաշյանը Հայկ Կյուրեղյանի քրեական գործով դատական նիստը չկարողացավ շարունակել, քանի որ թե մեղադրողը, թե մնացյալ կողմերը դատարան չէին ներկայացել:
Հ. Կյուրեղյանի, որը մեղադրվում է Շանթ Հարությունյանի դատական անդրանիկ նիստի օրը նույն այս դատարանի շենքի դիմաց խուլիգանություն կատարելու համար, պաշտպանության կոմիտեի համակարգող Ռուբեն Մնացականյանն Aravot.am-ին ասաց, թե Հայաստանում այս դատը թեւակոխել է որակական նոր փուլ, շուտով «ընդհատակում» կշարունակվի:
Նշենք, որ Կյուրեղյանի հարազատներից էլ որեւէ մեկն այսօր դատարան չէր ներկայացել:
Դատական հաջորդ նիստը նշանակվեց մարտի 27-ին:
