Լրատվամիջոցներում տեղեկություն է տարածվել, թե Ֆիզիկական կուլտուրայի հայկական պետական ինստիտուտի ռեկտոր Վահրամ Առաքելյանը ԲՀԿ-ից դուրս գալու դիմում է ներկայացրել:
Aravot.am-ը ռեկտորին խնդրեց պարզաբանել՝ ճի՞շտ է, արդյոք, լուրը եւ եթե այո՝ ո՞րն է պատճառը: Պարոն Առաքելյանը պատասխանեց. «Այո, դիմում ներկայացրել եմ: Լինելով ՀԱՕԿ-ի փոխնախագահ՝ ես ԲՀԿ եկել էի պարոն Գագիկ Ծառուկյանի հետ: Սակայն ակտիվ քաղաքականության մեջ չեմ եղել, այլ զբաղվել եմ ֆիզիկական կուլտուրայի եւ սպորտի խնդիրներով: Հիմա, երբ պարոն Ծառուկյանը որոշել է վայր դնել կուսակցության նախագահի եւ խմբակցության ղեկավարի լիազորությունները, ավելի նպատակահարմար եմ համարում զբաղվել ինձ ավելի հոգեհարազատ գործերով՝ գիտությամբ, ինստիտուտի հոգսերով, ֆիզիկական կուլտուրայի եւ սպորտի խնդիրներով»:
Աշոտ ՀԱԿՈԲՅԱՆ
Լուսանկարը՝ sport.slaq.am-ի
