Լրագրող-հրապարակախոս Համլետ Մոսինյանը Սամվել Բալասանյանի՝ ԲՀԿ-ի շարքերից դուրս գալը համարում է գյումրեցիների համար շատ սպասելի, մի բան էլ ուշացած քայլ:
«Կային մարդիկ, որոնք շատ շուտ գրեցին իրենց դիմումները, կարծում եմ Բալասանյանը՝ որպես կուսակցություն փոխելու սովոր անձ, նրանց ֆոնի վրա մի բան էլ ուշացրեց իր հրաժարականը: Իհարկե, գործը չհասավ նրան, որ որեւէ մեկը Բաղրամյան 26-ից զանգեր ու ասեր՝ էս ի՞նչ բան է, ինչի՞ դուրս չես գալիս… Եթե մարդը կուսակցություն մտած լիներ գաղափարի համար, անհասկանալի կլիներ նրա քայլը, կմածեինք ինչո՞ւ է դուրս գալիս, բայց եթե մտնում է որեւէ շահ ստանալու, թիկունք ունենալու , ընտանիքի բարեկեցությունն ապահովելու համար, հասկանալի է, որ Սամվել Բալասանյանը դուրս պիտի գար քաղաքականությունից ՝անկախ նրանից ինքը ապաքաղաքական կառո՞ւյց է ղեկավարում, թե ՝ոչ…Հարցը ունի մեկ այլ կողմ, եթե կուսակցությունը Գագիկ Ծառուկյանի շուրջ է ստեղծվել, բոլորս էլ շատ լավ գիտենք, որ նրա փողերի հիման վրա է ստեղծվել, եւ եթե դուրս է գալիս կուսակցության ղեկավարը, մյուսներն արդեն ենթադրում են, որ այլեւս այդ կառույցը իրենից բան չի ներկայացնելու…Հանրապետության խոշոր քաղաքի ղեկավարը իրեն պիտի ապահովագրի՝ հատկապես լավ իմանալով հանրապետության նախագահի վերաբերմունքը նման հարցերում»:
Լրագրող-հրապարակախոսը Գյումրու քաղաքապետին նաեւ խնդրեց.« Խնդրում եմ պարոն Բալասանյան, անդամակցեք ՀՀԿ-ին, որովհետեւ քանի կուսակցություն դուք մտել եք, դրանք դարձել են ընդդիմադիր, գուցե մտնենք «Հանրապետական» կուսակցություն, սա էլ ձեր ոտքից քանդվի ու քայքայվի, գոնե այսպես ազատվենք այդ կուսակցությունից»:
Նունե ԱՐԵՎՇԱՏՅԱՆ
ուր է իմ մեկնաբանությունը, անկախ, ազատ , խոսքի ազատությունը առանց վիրավորանքի հարգող Առավոտ?
Ձեր մեկնաբանությունում վիրավորանք կար:
ՊԱՐՏԱՎՈՐ ԵՔ ՆՇԵԼ ՈՐՆ Է ՎԻՐԱՎՈՐԱՆՔԸ? էՆՏԵՂ ՈՉ ՄԻ ՎԻՐԱՎՈՐԱՆՔ ՉԿԱ, ՈՒՂՂԱԿԻ ՁԵԶ ՀԱՐՄԱՐ ՉԷ, ԷԼԻ բալասանյանի պաշտպանությունն եք ստանձնել?, ամոթ ձեզ, փաստերը ձեզի համար վիրավորանք են? ձևեր եք թափում, վախենում եք ժողովրդի կարծիքից
Ոչ մի պարտավորություն չունենք ձեր վիրավորանքները երկրորդելու: Նվազագույնը՝ կարող ենք հիշատակել «անամոթ» բառը: Բարի եղեք հարգել մեր հրապարակման կանոնները եւ մեկնաբանություններ անել առանց վիրավորանքների: Այլապես ոչ մի պարագայում դրանք չեն հրապարակվի: