Ադրբեջանի Ղազախ քաղաքում 1889թ. սկսվել է Սուրբ Վարդան եկեղեցու շինարարությունը: Այն օծվել է 1901թ ապրիլի 8-ին: 1905-1906թթ. հայ-թաթարական բախումների ժամանակ եկեղեցին թալանվել է:
Տավուշի մարզի Ոսկեպար գյուղի բնակչուհի Նարենգյուլ Հարությունյանը, որը խորհրդային շրջանում երկար տարիներ ապրել է Ղազախում, ասում է, որ եկեղեցին գտնվում էր հայկական թաղի կենտրոնում, քաղաքում շատ հայեր էին ապրում:
1990թ. հայերը ստիպված եղան Ղազախից հեռանալ: Տեղեկություններ կան, որ այժմ Սուրբ Վարդան եկեղեցին օգտագործվում է որպես սրճարան-բար:
Ոսկան ՍԱՐԳՍՅԱՆ
