Ֆրանսիայում ընթացող շախմատի «Քափել լե Գրանտ» 31-րդ միջազգային ներկայացուցչական մրցաշարին մասնակցող 500-ից ավելի շախմատիստներից չորսը հայ են, սակայն` ոչ Հայաստանից: Մրցաշարում կայացել է հինգ տուր: Բրազիլիայի նախկին չեմպիոն եւ այդ երկրի ազգային հավաքականի անդամ, գրոսմայստեր Գրիգոր-Սեւակ Մխիթարյանը հինգ տուրից հետո 4,0 միավորով եւ 17 շախմատիստների հետ բաժանում է 3-19-րդ տեղերը, սակայն լրացուցիչ հաշվարկներով զբաղեցնում է 14-րդ հորիզոնականը:
Ֆրանսիան ներկայացնող գրոսմայստեր Տիգրան Ղարամյանը 3,5 միավորով 37-րդն է, ռուսաստանցի միջազգային վարպետ Արթուր Գաբրիելյանը 3,0 միավորով` 64-րդը, իսկ Ուկրաինան ներկայացնող կանանց գրոսմայստեր Եվգենյա Դոլուխանովան (նկարում) նույնպիսի արդյունքով ընթանում է մրցաշարային աղյուսակի 80-րդ հորիզոնականում: Երեկ ուշ երեկոյան մրցաշարի մասնակիցները պայքարում էին 6-րդ տուրում:
Աշոտ ՀԱԿՈԲՅԱՆ
