Թուրքիայի նախագահ Ռեջեփ Թայիփ Էրդողանը, որը 2011 թվականին վարչապետ էր, Մարդկության կիսակառույց արձանը «անհեթեթություն» էր անվանել եւ առաջարկել այն հեռացնել: BBC-ի փոխանցմամբ՝ արձանը պատրաստվում էր Հայաստանի եւ Թուրքիայի ընկերությունը խորհրդանշելու համար: Այն բաղկացած էր երկու 30 մետրանոց մարդկային կերպարներից, որոնք իրար առջեւ էին կանգնած Արեւելյան Կարսի մոտակա սարին, երկու երկրների սահմանի մոտ: Այն այդպես էլ մինչեւ վերջ չկառուցվեց, հակառակը՝ Էրդողանի դիտողություններից մի քանի ամիս անց քանդվեց:
Ստամբուլի դատարանը որոշել է, որ նախագահը պետք է քանդակագործ Մեհմեդ Աքսոյին վճարի 10.000 թուրքական լիրա (4.000$) որպես վնասի փոխհատուցում: Էրդողանի փաստաբանը հերքում է, որ նախագահի մեկնաբանությունները քննադատություն են:
2014 թվականին Թուրքիայի լեզվի տեսչությունը դատարանին տեղեկացրել է, որ Էրդողանի արտասանած «ucube» բառը, որը թարգմանվում է, որպես անհեթեթություն կամ հրեշ, վիրավորանք չէ: Դրա բուն իմաստը եղել է «շատ տարօրինակ եւ շատ տգեղ»:
Պատրաստեց Աշոտ ԻՍՐԱԵԼՅԱՆԸ
