Տասնյակ տարիներ է՝ այս շենքի փլատակները մայրաքաղաքի կենտրոնական հատվածից չեն վերանում: Շենքը ոչ քանդվում է, ոչ էլ կառուցվում: Չնայած նրան, որ տարածքը թիթեղներով պատված է, սակայն տարիների ընթացքում այն վերածվել է աղբատեղիի: «Շիրակ» հյուրանոցի հարեւանությամբ գտնվող այս շենքում ժամանակին տեղակայված է եղել կրթության նախարարությունը, սակայն այսօր շենքը մասնավոր սեփականություն է եւ պատկանում է «Բիզնես կենտրոն» ընկերությանը: Շենքն օտարվել է 2000-ականներին՝ նախկին ՀՀ նախագահ Ռոբերտ Քոչարյանի օրոք: Այն ընդգրկված է մշակութային հուշարձանների ցանկում, այդ իսկ պատճառով կառույցի նոր տերը քանդել է շենքի հետնամասը՝ պահպանելով ճակատը՝ հուշարձանի հատվածը:
Նշենք, որ «Բիզնես կենտրոնը» գնել է նաեւ նախկինում Թումանյան փողոցի վրայի առողջապահության եւ մշակույթի նախարարությունների նախկին շենքը:
ԼՈՒՍԻՆԵ ԲՈՒԴԱՂՅԱՆ
Լուսանկարը՝ ԱՆՈՒՇ ՄԱԹԵՎՈՍՅԱՆԻ
«Առավոտ» օրաթերթ
27.02.2015
