Գյումրու քաղաքապետարանի շենքի դիմաց՝ Վարդանանց հրապարակում այսօր բողոքի ցույցի դուրս եկած տաքսու վարորդները փորձում էին փակել հրապարակը եւ իրենց դժգոհությունն այս կերպ ներկայացնել իշխանությանը:
Նրանք դեմ են ելել ՀՀ կառավարության՝ 2014 թվականի դեկտեմբերի 11-ի «Հայաստանի Հանրապետությունում մարդատար-տաքսի ավտոմոբիլներով ուղևորափոխադրումների կազմակերպման լիցենզավորման կարգ հաստատելու մասին» N 1471-Ն որոշմամբ հաստատված նոր պահանջներին:
«Գյումրիում աշխատատեղ կա՞, որ հետեւներիցս եք ընկել, էդ ի՞նչ ենք աշխատում, որ 70 հազար դրամ տանք հաշվիչ առնենք, ամսական 8 դրամ ձեզ մուծենք, ինչի՞ համար…Նրա համար, որ ես իմ անձնական մեքենան եմ գործի դնո՞ւմ, ծախսերի տա՞կ ընկնեմ, հիմա էլ բերեմ փողը քեզ տա՞մ… Սաղ քաղաքը փախած են, քաղաք մարդ չի մնացել, էդ ի՞նչ ենք աշխատում, որ օրվա հացի փողն ես խլում, մենք էլ թողնենք, գնա՞նք, դա՞ է ուզածներդ»: Նրանցից մեկն էլ, ցույց տալով իր հագի հին վերարկուն, ասաց.«Ի՞նչ մուծեմ, սա՞ հանեմ տամ, որ պրծնեմ…Գյումրիից ի՞նչ ենք ուզում տանենք, մարդ չի մնացել, ո՞ւմ տանք, ի՞նչ տանք ձեզ , որ պրծնենք, շնչել ենք ուզում, վերջը սա վերջ ունի՞: Ի՞նչ են տվել երկու ախպորով չեն առնում, էս հայաթափության ու սովամահության ծրագիրն են սկսել, հա՞»: Մեկ այլ տաքսու վարորդ էլ նետեց.«Տո այ քուրս, որ Սերժին հանեցին, ինքը էլի լսի պես գործ կունենա, կգնա Բաքվի վարչապետ կնստի, մենք ի՞նչ անեք, ինչո՞ վ ապրենք»:
Մանրամասները տեսանյութում:
Կարդացեք նաև
Նունե ԱՐԵՎՇԱՏՅԱՆ
