Փետրվարի 27-ից շրջանառության մեջ են դրվել «Լազարյան ճեմարանի հիմնադրման 200-ամյակ», «Հայոց ցեղասպանության 100-րդ տարելից», «Փանոս Թերլեմեզյան-150» և «Անդրանիկ Օզանյան-150» հուշադրամները:
«ԼԱԶԱՐՅԱՆ ՃԵՄԱՐԱՆԻ ՀԻՄՆԱԴՐՄԱՆ 200-ԱՄՅԱԿ»
Հայաստանի Հանրապետության կենտրոնական բանկը թողարկել է Լազարյան ճեմարանի հիմնադրման 200-ամյակին նվիրված հուշադրամ:
Հուշադրամի դիմերեսին պատկերված են Հովհաննես Լազարյանը, Լազարյան ճեմարանի շենքի աջ մասը և ճեմարանի շրջանավարտներին շնորհվող կրծքանշանը: Ներքևում` «2015» և «1000 դրամ», իսկ շրջագծով` «Հայաստանի Հանրապետության կենտրոնական բանկ» մակագրություններն են:
Հուշադրամի դարձերեսին պատկերված են Հովակիմ Լազարյանը, Լազարյան ճեմարանի շենքի ձախ մասը և ճեմարանի հուշամեդալը: Շրջագծով` «200-ամյակ, Լազարյան ճեմարանի հիմնադրում» մակագրություններն են:
Տեխնիկական չափանիշները
Անվանական արժեքը 1000 դրամ
Մետաղը և հարգը արծաթ 9250
Տրամագիծը 40,0 մմ
Քաշը 33,6 գ
Որակը պրուֆ
Դրամաշուրթը ատամնավոր
Տպաքանակը 500 հատ
Էսքիզների հեղինակ` Էդուարդ Կուրղինյան:
Հուշադրամը հատվել է Լիտվայի դրամահատարանում:
«ՀԱՅՈՑ ՑԵՂԱՍՊԱՆՈՒԹՅԱՆ 100-ՐԴ ՏԱՐԵԼԻՑ» ՀՈՒՇԱԴՐԱՄ
Հայաստանի Հանրապետության կենտրոնական բանկը թողարկել է Հայոց ցեղասպանության 100-րդ տարելիցին նվիրված հուշադրամ:
Հուշադրամի դիմերեսին պատկերված են Հայոց ցեղասպանության զոհերի հիշատակը հավերժացնող հուշակոթողներ. սգվոր մոր հուշարձան (Իժևսկ), երգահան Կոմիտասին նվիրված հուշարձան (Փարիզ), խաչքար-հուշարձան (Էջմիածին), հուշասյուն-խաչքար (Գլենդել), Ծիծեռնակաբերդի հուշահամալիր (Երևան): Մակագրություններն են` «Հայաստանի Հանրապետություն», «100 դրամ», «Republic of Armenia» և «Armenian Genocide».
Հուշադրամի դարձերեսին պատկերված են Հայոց ցեղասպանության զոհերի հիշատակը հավերժացնող հուշակոթողներ. հուշարձան՝ հայ հայդուկներին (Ուջան), հուշակոթողի մի հատված արծվի տեսքով (Հալեպ), հուշատախտակի մի հատված` կնոջ քանդակ (Սան Պաուլու), խաչքար (Անտվերպեն): Մակագրություններն են` «Հայոց ցեղասպանություն», «1915-2015»:
Տեխնիկական չափանիշները
Անվանական արժեքը 100 դրամ
Մետաղը և հարգը արծաթ 9250
Տրամագիծը 50,0 մմ
Քաշը 67,2 գ
Որակը սովորական (հնաձև)
Դրամաշուրթը հարթ
Տպաքանակը 1000 հատ
Էսքիզների հեղինակներ` Սուրեն Սիմոնյան և Արամ Ուռուտյան:
Հատվել է Լիտվայի դրամահատարանում:
«ՓԱՆՈՍ ԹԵՐԼԵՄԵԶՅԱՆ-150» ՀՈՒՇԱԴՐԱՄ
Հայաստանի Հանրապետության կենտրոնական բանկը թողարկել է Փանոս Թերլեմեզյանի ծննդյան 150-ամյակին նվիրված հուշադրամ:
Հուշադրամի դիմերեսին պատկերված է Փ. Թերլեմեզյանի «Վանա լիճը և Սիփան սարը Կտուց կղզուց» կտավից դրվագ, ներքևում՝ «100 դրամ», «Հայաստանի Հանրապետության կենտրոնական բանկ 2015» մակագրություններն են:
Հուշադրամի դարձերեսին պատկերված են Փ. Թերլեմեզյանի «Տաթևի վանքը» կտավից դրվագ և նրա ինքնադիմանկարից դրվագ: Մակագրություններն են՝ «Փանոս Թերլեմեզյան 1865-1941», «150 ամյակ»:
Տեխնիկական չափանիշները
Անվանական արժեքը 100 դրամ
Մետաղը և հարգը արծաթ 9250
Քաշը 28,28 գ
Չափը 28,0×40,0 մմ
Որակը լավացված
Դրամաշուրթը հարթ
Տպաքանակը 500 հատ
Էսքիզների հեղինակ` Լուսինե Լալայան:
Հուշադրամը հատվել է Լիտվայի դրամահատարանում:
«ԱՆԴՐԱՆԻԿ ՕԶԱՆՅԱՆ-150» ՀՈՒՇԱԴՐԱՄ
Հայաստանի Հանրապետության կենտրոնական բանկը թողարկել է Անդրանիկ Օզանյանի ծննդյան 150-ամյակին նվիրված հուշադրամ:
Հուշադրամի դիմերեսին պատկերված է Հայաստանի Հանրապետության զինանշանը: Մակագրություններն են` «Հայաստանի Հանրապետություն», «Republic of Armenia», «1000 դրամ», «2015»:
Հուշադրամի դարձերեսին պատկերված է Փարիզի Պեր Լաշեզ գերեզմանատանը կանգնեցված Անդրանիկի հուշարձանը, Մակագրություններն են` «Անդրանիկ Օզանյան», «Ես պայքարել եմ մի բանի` իմ հարազատ ժողովրդի ազատության և բարեկեցության համար», «1865-1927», «150 ամյակ»:
Տեխնիկական չափանիշները
Անվանական արժեքը 1000 դրամ
Մետաղը և հարգը արծաթ 9250
Տրամագիծը 40,0 մմ
Քաշը 33,6 գ
Որակը պրուֆ
Դրամաշուրթը ատամնավոր
Տպաքանակը 500 հատ
Էսքիզների հեղինակ` Լուսինե Լալայան:
Հուշադրամը հատվել է Լիտվայի դրամահատարանում:
ԿԲ հասարակայնության հետ կապերի ծառայություն
