«Ես հաստատ համոզված եմ, որ ժողովրդին չի հետաքրքրում` ես խոսնակի պաշտոնում կմնամ, թե որեւէ այլ պաշտոնում կլինեմ: Վստահ եմ, մարդկանց հետաքրքրում է`ես ինչպես որ եղել եմ, այնպես էլ մնալո՞ւ եմ ժողովրդի շահի պաշտպան, այնպես էլ մնալո՞ւ եմ ժողովրդի կողքին ու իրեն հուզող պրոբլեմի թիկունքին»,- Aravot.am-ի հետ զրույցում ասաց ԲՀԿ մամուլի խոսնակ Տիգրան Ուրիխանյանը:
Հիշեցնենք, «Ժողովուրդ» օրաթերթն այսօր գրել էր, որ Տիգրան Ուրիխանյանը ԲՀԿ մամուլի խոսնակի պարտավորություններից հրաժարվելու մտայնություններ ունի, իսկ «Հրապարակն» էլ գրել էր, որ նա հավակնում է ԲՀԿ նախագահի պաշտոնին:
«Անկախ ամեն ինչից, ես մնալու եմ ժողովրդի կողքին, ժողովրդին հուզող պրոբլեմի կողքին: Դա աներկբա է, մեկնաբանության անհրաժեշտություն չունի եւ բեկանման ենթակա չէ»,- բազմանշանակ ամփոփեց մեր զրուցակիցը:
Նելլի ԳՐԻԳՈՐՅԱՆ
