Մեծ Այրումի ավագանին, հաշվի չառնելով իր բնակիչների առարկությունները, փետրվարի 26-ին փոխեց համայնքի 12 հա գյուղատնտեսական նշանակության հողերի կատեգորիան Ախթալայի լեռնահարստացուցիչ կոմբինատի նոր պոչամբարի կառուցման համար:
ԷկոԼուրի աղբյուրի համաձայն, առանց քննարկում ծավալելու, Մեծ Այրումի ավագանու երեք անդամները` Մեծ Այրումի դպրոցի տնօրեն Սոֆյա Այվազյանը, նախկին գյուղապետ Պապիկ Առուժանյանը եւ Ախթալայի լեռնահարստացուցիչ կոմբինատի աշխատակից Սամվել Միրզոյանը, հապճեպ ստորագրել են պոչամբարի համար հողի կարգի փոփոխման որոշման տակ և անմիջապես հեռացել համայնքապետարանից:
Քննարկմանը մասնակցելու եկած բնակիչները, ովքեր դեմ են պոչամբարին, վիճաբանել են համայնքապետի և ֆաբրիկայի ներկայացուցչի հետ: Նրանք նշել են, որ անկախ ընդունված որոշումից իրենք պայքարելու են մինչև վերջ:
Մանրամասներին կարող եք ծանոթանալ` ԷկոԼուր-ի կայքում
