«Շատ բան է փոխվել այն ժամանակներից, երբ Ամերիկայի Միացյալ Նահանգները եւ Ռուսաստանի Դաշնությունը կարեւոր գործընկերներ էին»,- այս մասին CNN-ի հետ զրույցում ասել է Ռուսաստանի նախագահականի մամուլի քարտուղար, Վլադիմիր Պուտինի աջ ձեռք Դմիտրի Պեսկովը:
«Եկեք անկեղծ լինենք: Շատ անսպասելիորեն շատ ջուր է անցել կամուրջների տակով, այդ ժամանակներից հետ»,- ծիծաղելով ասել է Պեսկովը եւ հավելել, որ իրենք Եվրոպայի սրտում՝ Ուկրաինայում, ականատես են եղել շահերի մեծ բախման. «Այդպիսով Կիեւում մեկ տարի առաջ տեղի ունեցած զինված հեղաշրջումից հետո, Ռուսաստանը շատ հասկանալի դիրք գրավեց, շատ անկեղծ, շատ բաց եւ շատ ամուր»:
Պուտինի օգնականը նշել է, որ իրենք ուզում են, որ իրենց ազգային շահերը, իրենց ինքնիշխան իրավունքները եւ ինքնիշխան շահերը հարգվեն. «Եվ երբ դա պատահի, նոր վերածննդի ժամանակներ կգան մեր միջազգային հարաբերություններում»:
Մինսկի համաձայնագրի ստորագրումից երկու շաբաթ անց, ըստ ԵԱՀԿ-ի տեղեկատվության, ծանր զինատեսակները դուրս են բերվում բախումների գոտուց, սակայն պարզ չէ դրանք դուրս են հանվում, թե պարզապես տեղափոխվում են:
Կարդացեք նաև
Պեսկովը ընդունել է, որ զենքերի դուրսբերումը «շատ զգայուն» գործընթաց է, բայց Դոնեցկում կռվողները սկսել են հանել իրենց ծանր զինատեսակները: «Մենք տեղեկություն ենք ստացել, որ ԵԱՀԿ-ն հրաժարվել է ներկա գտնվել դուրսբերման գործընթացին»:
Այս պնդմանը CNN-ի հետ զրույցում հակադարձել է ԵԱՀԿ-ի մամուլի քարտուղար Միխայիլ Բոսիուրկիուն. «ԵԱՀԿ-ն փորձում է վիճարկելի տարածքներ մուտք գործել: Եվ անջատողականները, եւ Ուկրաինայի զինվորականները տեղեկացնում են իրենց զենքերի, դրանց տեղափոխման ճանապարհների եւ պահպանման վայրերի մասին»:
Պատրաստեց Աշոտ ԻՍՐԱԵԼՅԱՆԸ
բալիկ ջան: 🙂 Պեսկովի պաշտոնը ոչ թե “Պուտինի խոսնակ” է, այլ “Նախագահի մամուլի քարտուղար”:
Դիտեք բնօրինակը՝ Putin aide.