«Պաշտոնական տվյալներով Իրանի տարածքում 35 միլիոն ադրբեջանցի է ապրում, իսկ ոչ պաշտոնական տվյալներով՝ 40 միլիոն: Իրանը հայտարարում է, որ իսլամական, շիական երկիր է: Եթե մենք մուսուլմաններ ենք, եղբայրներ, շիաներ, ապա մենք չենք հասկանում Իրանի եւ Հայաստանի ջերմ հարաբերությունների իմաստը»,- այս մասին ըստ APA.az-ի, ասել է Ադրբեջանի Միլի Մեջլիսի նախագահի առաջին տեղակալ Զիաֆետ Ասկերովը:
Նա նշել է, որ այս անհանգստություն առաջացնող հարցը քննարկվում է Իրանի խորհրդարանականների հետ հանդիպումներում. «Բայց նրանք ասում են, որ սա Իրանի անկախ քաղաքականությունն է, եւ ոչ ոք չի կարող խառնվել դրա մեջ: Մենք չենք էլ խառնվում»:
Ըստ Ադրբեջանի Միլի Մեջլիսի փոխնախագահի՝ այսպիսի հանդիպումներում իրենց հիշեցնում են Ադրբեջանի եւ Իսրայելի բարեկամական հարաբերությունների մասին. «Մեզ հարցնում են. ինչո՞ւ է Ադրբեջանը ընկերություն անում Իսրայելի հետ: Իսկ մենք ասում ենք, որ դա Ադրբեջանի քաղաքականությունն է»:
Պատրաստեց Աշոտ ԻՍՐԱԵԼՅԱՆԸ
Կարդացեք նաև
