Այս շաբաթ Ազգային ժողովում քննարկվում էր ՀԱԿ և ԲՀԿ խմբակցությունների պատգամավորների կողմից հեղինակած՝ «Հայաստանում կառավարման ճգնաժամի մասին» հայտարարության նախագիծը։ Ընդդիմությունն իշխանությանն էր մեղադրում կառավարման ճգնաժամի մեջ, իշխանությունն էլ ասում էր՝ ճգնաժամն ընդդիմությունում է։ Ի վերջո, երեկ քվեարկության դրվեց նախագիծը, որն այդպես էլ չընդունվեց։ Կա՞ իրականում կառավարման ճգնաժամ, և ի՞նչ պետք է անել՝ ճգնաժամից դուրս գալու համար։ Այս հարցերի շուրջ զրուցեցինք կառավարման փորձագետ Հարություն Մեսրոբյանի հետ։
– Նիկոլ Փաշինյանի՝ նախագահին իմպիչմենտի ենթարկելու նախագիծը նույնպես չընդունվեց ԱԺ-ում։ Ուշագրավ էր, որ դրան դեմ քվեարկեց նաև ընդդիմադիր ՀԱԿ-ը։ Նրանք, որպես հիմնավորում՝ մասնավորապես, նշում էին, թե պատեհ ժամանակ չէ Սերժ Սարգսյանին իմպիչմենտի ենթարկելու համար։ Համաձա՞յն եք այդ հիմնավորումների հետ։
– Այդ ամեն ինչը լավ է՝ սիրուն փաստաթղթեր, ճանաչողություն մարդը կստանա… Ամեն ինչ վատ է, ընդունեցինք, ո՞վ է պատրաստ գլխով պատասխանատու լինել այս կամ այն ոլորտի համար։ Ո՞վ՝ անուն-ազգանուն։
Երբ մենք ինքնաթիռ ենք նստում, մենք պատկերացնում ենք, որ այդ ինքնաթիռ քշողներն ինչքան ստուգումներ են անցել, մասնագիտացում են ստացել, և այլն, հիմա իրենք ինքնաթիռ են քշում, որտեղ կարող է 300-400 կյանք իր պրոֆեսիոնալիզմից կախված լինել։ Պետությունը միլիոնների կյանքն է։
Կարդացեք նաև
– Այսինքն՝ եթե չկա նման թեկնածու, ով պատրաստ է գլխով պատասխան տալ…
– Ուրեմն՝ հանգիստ պետք է խորտակվենք ու ոչ մեկից չդժգոհենք։ Մենք պետության կառավարմանը շատ թեթև ենք վերաբերվում։ Ի՞նչ է նշանակում՝ չստացվեց, պատասխա՛ն տուր, գնա ցմահ բանտարկվի։ Քանի՞ ընտանիք
քանդվեց, քանի ողբերգություն մենք տեսանք, ո՞վ է պատասխան տալիս։ Ընդ որում, այս գործող քաղաքական էլիտայի 95%-ը, անկախ նրանից՝ իշխանությա՞ն մեջ են, թե՞ ընդդիմության, իրենք են պատասխանատու, բայց ի՞նչ է ստացվում՝ հենց դառնում են ընդդիմադիր, ասում են՝ վախ, ինչ վատ է, հետո դառնում են իշխանավոր, ասում են՝ դուք չգիտեք՝ ինչեր է արվում։ Հետո՞։ Այ, երբ Հայաստանում ազգի կողմից պահանջվելու է գլխով պատասխանատվության ինստիտուտը, այդ ժամանակ՝ լռություն կտիրի Հայաստանում։
Անի ՔԵՇԻՇՅԱՆ
Հոդվածն ամբողջությամբ կարող եք կարդալ «168 ժամ» թերթի այսօրվա համարում
