Գ.Նարիմանյանը կազմել էր տեղեկանք զորամասի համալրման բաժանմունքի պետ, մայոր Վ.Քեշիշյանի և ֆինանսական ծառայության պետ, մայոր Ժ.Կարապետյանի անուններից, անձամբ կեղծել է նրանց պաշտոնի, կոչումի և աշխատավարձի մասին:
250 000 հազար դրամի տուգանքի է դատապարտվել ՊՆ զորամասերից մեկի ոչ գաղտնի գործավարության պետ, ավագ ենթասպա Գայանե Նարիմանյանը: Նրա նկատմամբ ընտրվել է ստորագրություն քաղաքից չբացակայելու մասին:
Մեղադրող Ա.Հարությունյանը բողոք է բերել եւ պահանջում է արարքին համապատասխան պատասխանատվության ենթարկել պետին:
Կենտրոն եւ Նորք-Մարաշ վարչական շրջանների ընդհանուր իրավասության դատարանում արագացված ընթացակարգով է անցկացվել դատական նիստը, դա նշանակում է, որ ամբաստանյալն ընդունել է իր մեղքը, եւ հրապարակայնության անհրաժեշտություն բնավ չի եղել:
Կարդացեք նաև
Ըստ գործի նյութերի, 2014 թվականի օգոստոսի 26-ին ՀՀ ՊՆ քննչական ծառայության չորրորդ կայազորային քննչական բաժնի ՀԿԳ ավագ քննիչ Վ.Սարգսյանի կողմից զեկուցագիր է ներկայացվել ՀՀ ՊՆ քննչական ծառայության չորրորդ կայազորային քննչական բաժնին այլ աշխատանքի անցնելու կապակցությամբ թիվ 90256814 քրեական գործի նախաքննության կատարումը մեկ այլ քննիչի հանձնարարելու մասին:
2014 թ. սեպտեմբերի 17-ին ՀՀ ՊՆ քննչական ծառայության չորրորդ կայազորային քննչական բաժնի քննիչ Վ.Հարությունյանի կողմից կայացված որոշմամբ թիվ 90256814 քրեական գործով Գայանե Նարիմանյանն ներգրավել է որպես մեղադրյալ և նրան մեղադրանք է առաջադրվել այն բանի համար, որ նա անձամբ օգտագործելու նպատակով իրավունք վերապահող փաստաթուղթ կեղծելու համար.
«Կոնվերս Բանկ» ՓԲԸ-ում որպես երաշխավոր հանդես գալու նպատակով 07.06.2013 թվականին կեղծել է գործարքի կատարման համար իրավունք վերապահող, զորամասից բանկ ներկայացվող աշխատավարձի չափի վերաբերյալ պաշտոնական փաստաթուղթ հանդիսացող ելքի թիվ 307 տեղեկանքը և այն օգտագործել վերոհիշյալ բանկում: Նշված տեղեկանքը Գ.Նարիմանյանը կազմել է զորամասի համալրման բաժանմունքի պետ, մայոր Վ.Քեշիշյանի և ֆինանսական ծառայության պետ, մայոր Ժ.Կարապետյանի անուններից, անձամբ կեղծել է նրանց պաշտոնի, կոչումի և աշխատավարձի մասին:
Ըստ դատավճռի, նա զորամասից բանկ ներկայացվող աշխատավարձի չափի վերաբերյալ պաշտոնական փաստաթուղթ հանդիսացող առանց ամսաթվի և տարեթվի ելքի թիվ 373 տեղեկանքը և դրա միջոցով իրավունք ձեռք բերելու` դոլարային վարկ ստանալու նպատակով այն օգտագործել է` նշված բանկից ստանալով 2400 ԱՄՆ դոլար վարկ:
Նշյալ թիվ 373 տեղեկանքը Գ.Նարիմանյանը կազմել է զորամասի հրամանատար, գնդապետ Կ.Մարգարյանի և ֆինանսական ծառայության պետ, մայոր Ժ.Կարապետյանի անուններից, անձամբ կեղծել է նրանց ստորագրությունները, իսկ տեղեկանքում իր վերաբերյալ նշել է շինծու տեղեկություններ պաշտոնի, կոչումի և աշխատավարձի մասին:
Ռուզան ՄԻՆԱՍՅԱՆ
