Եվրասիական զարգացման բանկի ներկայացուցիչների հետ քննարկվել են համագործակցության հնարավորությունները

Փետրվարի 25-ին էկոնոմիկայի նախարար Կարեն Ճշմարիտյանը հանդիպել է Եվրասիական զարգացման բանկի ներկայացուցիչների հետ:

Ողջունելով հյուրերին` էկոնոմիկայի նախարարը բարձր է գնահատել Հայաստանում Եվրասիական զարգացման բանկի գործունեության արդյունավետությունը և հույս հայտնել, որ մոտ ապագայում տնտեսական ոլորտում համագործակցության նոր հնարավորություններ կլինեն: Նախարարը ներկայացրել է տնտեսական ոլորտում` մասնավորապես գործարար միջավայրի, ենթակառուցվածքների և ստանդարտացման ոլորտներում իրականացվող բարեփոխումները և նշել այդ բնագավառներում ֆինանսավորման անհրաժեշտությունը:

Եվրասիական զարգացման բանկի ներկայացուցչության տնօրեն Սերգեյ Իգնատովը ներկայացրել է Բանկի ֆինանսավորման պայմանները, Բանկի կողմից ֆինանսավորվող ծրագրերը և պատրաստակամություն է հայտնել համագործակցել ինչպես վերոնշյալ ոլորտների բարեփոխումների ծրագրերի, այնպես էլ Հայաստանի ներդրումային ծրագրերի շրջանակում:

Հանդիպման ընթացքում քննարկվել են տնտեսական զարգացմանն առնչվող երկկողմ հետաքրքրություն ներկայացնող մի շարք այլ հարցեր: Կողմերը պայմանավորվել են աշխատանքային քննարկումներ ծավալել համատեղ ծրագրերի մշակման համար:

Կարդացեք նաև

«Ոչինչ էլ չի վերջացել, և չի կարող վերջանալ, պատմության անիվը պտտվում է, և մեզնից է կախված՝ կընկնենք այդ անիվի տակ, թե կվերականգնվենք»

• 23:50 02.10.2023

Ադրբեջանի տարածքում «միջազգային երաշխի՞ք։ Այդ ո՞ր երկրներն են, որ կարող են ապահովել «միջազգային երաշխիքներ» Ադրբեջանի ներսում. Կարեն Ճշմարիտյան

• 17:02 29.05.2023

Քանի անգամ պետք է նույն բանը կրկնեն, որ վերջապես ընկալվի, թե որ երկրից, որ կենտրոնից, երբ և ինչ կարելի է ակնկալել, խնդրել, կամ պահանջել․ Կարեն Ճշմարիտյան

• 11:37 18.01.2023

ՀՀ էկոնոմիկայի նախարարություն