«Ղարաբաղ» կոմիտեի անդամ Աշոտ Մանուչարյանի գնահատմամբ՝ Հայաստանի ներքին կյանքում տապալվեց Սերժ Սարգսյան- Ռոբերտ Քոչարյան «տանդեմը»:
«Հայաստանի ներքին կյանքը, որը կառավարվում էր Ռոբերտ Քոչարյան- Սերժ Սարգսյան տանդեմով, այսինքն աշխարհաքաղաքական ու ներքին քաղաքական տանդեմ էր ստեղծվել, եւ երկու մարդ բաժանել էին իրար մեջ աշխարհաքաղաքական ուղղությունները, որոնց պետք է սպասարկեին: Որ ուժը հաղթեր, այն ուժն էլ կմնար իշխանության: Բաժանել էին իշխանությունն ու ընդդիմությունը: Ռոբերտ Քոչարյանը ստեղծել էր ԲՀԿ-ն ու օգտագործում էր որպես լծակ: Գագիկ Ծառուկյանին դուրս դնելով քաղաքականությունից՝ Քոչարյանը դադարում է քաղաքական տանդեմի մասնակից լինել, հետեւաբար տանդեմային կառավարումը վերանում է Հայաստանում: Դա կբերի դրական հնարավորություններ մեր ժողովրդի համար»,- այսօր «Պոստ սկրիպտում» ակումբում ասաց Աշոտ Մանուչարյանը:
Ըստ նրա, Գագիկ Ծառուկյանը օլիգարխ է, բայց կուսակցության հիմքում ինքն էր, նույնիսկ պահպանելով այդ կուսակցությունը, առանց Ծառուկյանի այդ կուսակցությունը ի վիճակի չէ ապահովել տանդեմի քաղաքականությունը:
Արփինե ՍԻՄՈՆՅԱՆ
Կարդացեք նաև
