Բերձորյան դեպքերի առթիվ Հիմնադիր խորհրդարանի նախաձեռնած այսօրվա հանրային քննարկմանը սկայպով միացել էր նաեւ Արցախից «Ազգային վերածնունդ» կուսակացության նախագահ Հայկ Խանումյանը:
Ըստ նրա՝ Արցախում հեշտ է մանիպուլյացիաներով ողողել տեղեկատվական դաշտը, քանի այնտեղ կա մենաշնորհ՝ հանրային հեռուստաընկերությունը. «Եվ ուզած ձեւով կարողանում է ազդել հանրության վրա, բացի այդ էլ՝ ներքին կոլեկտիվ ժողովներն են Արցախում ընդունված, որոնք տարբեր հրահանգավորումներով կիսապետական ու հասարակական կառույցների անդամները հավաքում են մարդկանց ու ուղղորդում հանրային կարծիքը»:
Նրա խոսքով, Հիմնադիր խորհրդարանի անդամների նախաձեռնած ավտոերթը Արցախում ուղղորդվում էր մասնակիցների եւ ավտոերթի նպատակների վարկաբեկման գործընթացով. «Իշխանությունները մի քանի նապաստակ խփեցին այդ գործողություններով. թույլ չտալ Արցախի տարածքում Սերժ Սարգսյանի հանդեպ քննադատություն, քանի որ Արցախը Սերժ Սարգսյանի իշխանության լեգիտիմության տարրերից է, խորհրադարանական ընտրութուններից առաջ ստեղծել վախի մթնոլորտ, ինչի հաշվին իշխանական կուսակցությունների հաշվարկներով կարող են լավ արդյունքներ արձանագրել: Սա նաեւ՝ կո՛ւժ, քեզ ասեմ, կուլա՛, դո՛ւ լսիր տարբերակն էր, այսինքն տեղեկացնում են տարբեր խմբերի, թե մահակը պատրաստ է եւ ձախ թեքվողի գլխին է այն իջնելու»:
Արփինե ՍԻՄՈՆՅԱՆ
Կարդացեք նաև
