Aravot.am-ի հետ զրույցում ԲՀԿ Շիրակի մարզային կառույցի պատասխանատու Մարտուն Գրիգորյանի խորհրդական Աղասի Աբրահամյանը, անդրադառնալով շրջանառվող այն լուրերին, թե Մարտուն Գրիգորյանը դուրս կգա ԲՀԿ-ի շարքերից, ասաց.«Ինչպես շատերի, այնպես էլ Մարտուն Գրիգորյանի մոտ այս պահին լուրջ խորհրդածությունների, սթափ դատողությունների շրջան է: Դեռ կոնկրետ որոշում չի կայացվել, նրա որոշումը կլինի հրապարակային: Այն կկայացվի թիմի, գրասենյակի հետ լուրջ քննարկման արդյունքում: Ճիշտն ասած, ժամանակ էլ շատ չկա, քանի որ մարդը պիտի շարունակի աշխատել: Որոշումը հենց եղավ, բոլորն էլ կիմանան: Որոշումը կկայացվի բոլորի՝ քաղաքի, հանրության, թիմի շահերը հաշվի առնելով»:
Հիշեցնենք, որ Մարտուն Գրիգորյանը մեծամասնական ընտրակարգով ընտրված պատգամավոր է: Նա 2012 թվականի ԱԺ ընտրություններին պարտության մատնեց թիվ 34 ընտրատարածքում իր թեկնածությունը առաջադրած ՀՀԿ-ական Արման Սահակյանին՝ Սերժ Սարգսյանի փեսայի ընկերոջը:
Նա կայուն թիմ ու մեծ ընտրազանգված ունի: Իսկ Ավետիսյանների սպանությունից հետո Գյումրիում սկիզբ առած բողոքի ցույցերի ժամանակ դառնալով գլխավոր դերակատար ու վերջ դնելով ցուցարար-ոստիկան բախումներին՝ ցույց տվեց, որ իր խոսքն անցնում է Գյումրիում: Պետք է ենթադրել, որ նրա՝ ԲՀԿ-ի շարքերից դուրս գալուց հետո Գյումրիում ու ընդհանրապես Շիրակի մարզում ԲՀԿ-ն լրիվ կկազմաքանդվի:
Մենք խոսեցինք նաեւ թիվ 36 ընտրատարածքից մեծամասնական ընտրակարգով ընտրված ԲՀԿ-ական պատգամավոր Մուշեղ Պետոյանի հետ, նա ասաց, որ այս թեմայի շուրջ պարզաբանումներ կտա ավելի ուշ:
Կարդացեք նաև
Նունե ԱՐԵՎՇԱՏՅԱՆ
Թող լուուուորջ խորհրդածե “հերոս” մարտունը, գիտեք ինչ ազգային կարևորության խնդիր է կախված իրա խորհրդատուծությունից,վայյյ, սաղ հայ ազգը, սփյուռքը իրա որոշմանը կսպասե, հերթական թռնողն է էլի, իրան լավ տղու տեղ դրած, դե թող տեյ տակ մնար ծառուկյանի կողքը, այսինքն, սաղն էլ շահի ու փողի հմար էին գագոյի կողքը, ըբը շուտմ կողմնորոշվեն , որ կուլակաթափ չենեն, ինչքան գիշերային ակումբ կա լեննականում էս մարտունինն է , ըբը չխորհրդածե?էս աղասը չէր, որ կսեր, որ եղբայրական սիրով սիրում է ծառուկյանին? հա , դե սերդ սիրուդ պահապան չեղավ ու մնաց գաղտնի, մեկ էլ կրիմինալ գործերը
Հերոսն էլ ինչղ կեղնի այ վաղկոտ, Մարտուն ջան մենակ հհկ չմդնիս մնացացը կեղնի մենք քու տիկունքիտ ենք մեր քաղաքապետ Մարտուն Կամոի Գրիգորյան, Մարտուն ջան չիշտ ե Ծառուկյանը քեզի պարտք է դու չեղնիս Շիրակի մարզը իրա երեսին չի էլ նաե, կորցնողն ինքն է թագավոր բալա: