Այսօր շատերն աթերոսկլերոզի պատճառով լուրջ առողջական խնդիրներ ունեն: Այս հիվանդության ժամանակ անոթները խցանվում են խոլեստերին առաջացնող բծերով, որը խախտում է արյան շրջանառությունը: Աթերոսկլերոզը կարող է հանգեցնել սրտի եւ գլխուղեղի կաթվածի: Հիվանդության ռիսկի գործոններից է ժառանգականությունը, տարիքը, ավելորդ քաշը, խոլեստերինի բարձր մակարդակը, ծխելը, որը 2 անգամ բարձրացնում է աթերոսկլերոզով հիվանդանալու ռիսկը: Այս հիվանդությունը կանանց մոտ ավելի քիչ է հանդիպում, քան տղամարդկանց:
Եթե դուք ունեք բարձր խոլեստերին, շաքարային դիաբետ, բարձր ճնշում, ուրեմն դուք գտնվում եք ռիսկի խմբում: Անոթները մաքրելու համար նախ պետք է անցնել անոթների զննում, ավելի շատ շարժվել, հետեւել գլյուկոզայի աստիճանին արյան մեջ եւ ճիշտ սնվել: Ծխելը եւ առողջությունն անհամատեղելի են, այդ իսկ պատճառով անհապաղ թողեք այդ վատ սովորությունը, եւ խոլեստերինի բծերը կանհետանան չորս տարում:
Պատրաստեց ԱՆՈՒՇ ՄԱԹԵՎՈՍՅԱՆԸ
Կարդացեք նաև
«Առավոտ» օրաթերթ
21.02.2015
