Ասում են՝ մարդիկ հիասթափված են, հանրությունն է հիասթափված, քաղաքական ուժերը եւ այլն: Ես էլ ասում եմ, որ իզուր տեղը թող չոգեւորվեին , որ հիմա էլ չհիասթափվեին»,- այսօր ԱԺ հայտարարությունների ժամին ՀՀԿ խմբակցության պատգամավոր Լեւոն Մարտիրոսյանն այսպես անդրադարձավ քաղաքական դաշտում առկա ճգնաժամին՝ կապված ԲՀԿ-ՀՀԿ խնդրի հետ:
Ինքը՝ Լեւոն Մարտիրոսյանը ստեղծված իրավիճակում դրական տարրեր է տեսնում. դաշտը մաքրվում է: Ըստ նրա, Հայաստանին իսկապես պետք է նոր, առողջ ընդդիմություն. «Որեւէ մեկը չի խանգարել որեւէ մեկին ստեղծելու լուրջ ընդդիմություն, ուղղակի չի ստացվել: Դրա անհրաժեշտությունը կա: Մեր գործընկերները իքիբիր էին գցել, ուզում էին դուշեշ խաղային»,- ասաց նա՝ օգտագործելով նարդի խաղի տերմինները եւ շարունակեց,- «Զարմանում եմ, որ դիմացի խաղացողը չի նկատել, որ դա իքիիբիր էր, ոչ թե դուշեշ»:
Նա հակադարձեց երեկվա նիստում Նիկոլ Փաշինյանի այն դիտարկմանը, որ լիդերներ չպետք է լինեն, պետք է լինեն ուժեղ թիմեր, որովհետեւ մեկ մարդը, ինչքան էլ ուժեղ լինի, չի կարող 1000 կգ-անոց ծանրաձող բարձրացնել, ծնկները կծալվեն: Լեւոն Մարտիրոսյանի խոսքերով՝ «Լիդերներ պետք են, հենց նրանք են պետք եւ նրանք պետք է ի հայտ գան: Ես համաձայն եմ նախագահի հետ, որ ԲՀԿ-ում բազմաթիվ մարդիկ կան, որոնք կարող են ղեկավարել ԲՀԿ-ն: Ես երիտասարդ կին գիտեմ, որ ունի բոլոր արժեքները եւ հնարավորությունները»:
Նա անուն չտվեց՝ ասելով, որ իր հետ կճշտի՝ նոր:
Կարդացեք նաև
Լեւոն Մարտիրոսյանի ելույթը աղմուկ բարձրացրեց ԱԺ նիստերի դահլիճում: Պատգամավորները սկսեցին քննարկել, թե ով է այդ երիտասարդ կինը, որ հավակնում է Գագիկ Ծառուկյանի դերն իր վրա վերցնել եւ ղեկավարել ԲՀԿ-ն:
Հռիփսիմե ՋԵԲԵՋՅԱՆ
Ուժեղ է այն քաղաքական գործիչը,ով վախենալու կամ կորցնելու ոչինչ չունի:Մեր երկրում ,,բրեժնևշինա,,է՝պաշտոնյաներին,գործարարներին թույլատրում են ամեն անօրնականություն անելու՝այս դեպքում նրանք դառնում են ավելի խոցելի:Աթոռից բարձրացնես՝տակը կեղտ է,վարվիր հետը ինչպես ուզում ես…