Aravot.am-ի տեղեկություններով` մարտի առաջին տասնօրյակում կայանալու է «Բարգավաճ Հայաստան» կուսակցության համագումարը: Վերջին շրջանի իրադարձություններից հետո այդ համագումարում ԲՀԿ-ն հստակ հայտարարություններ կանի քաղաքական դաշտում իր տեղի, դերի ու անելիքների մասին:
Մամուլում արդեն բազում հրապարակումներ են եղել այն մասին, որ ԲՀԿ-ն նոր նախագահի փնտրտուքների մեջ է:
ԲՀԿ նոր նախագահի թեկնածուների շարքում թվարկվում է ՎՊ նախագահ Իշխան Զաքարյանի, ԲՀԿ-ական պատգամավորներ Ստեփան Մարգարյանի, Մարտուն Գրիգորյանի եւ խմբակցության քարտուղար Նաիրա Զոհրաբյանի անունները: Մեր տեղեկություններով` այս պահին ԲՀԿ նախագահի ամենահավանական թեկնածուն Նաիրա Զոհրաբյանն է:
Նելլի ԳՐԻԳՈՐՅԱՆ
