«Քարավան 88» հ/կ նախագահ Զոյա Ջուլհակյանը դժգոհում է, որ նորելուկ անհայտ ծագումի հասարակական կազմակերպությունները ստվերում են լուրջ գործով զբաղվող հասարակական կազմակերպություններին:
«Դաշտը չի զարգանում, խնդիրները շատ են, անընդհատ ստեղծվում են նոր կազմակերպություններ, մի քանի ծրագիր են անում, ու հին կազմակերպությունները մնում են չզարգացած: Պետք է դժգոհեմ նաեւ միջազգային կառույցներից, որովհետեւ ուղղությունները ընտրելիս հաշվի չեն առնում հ/կ-ների վիճակը: Մեր երկիր բավական գումարներ է մտնում, ու բոլորը ծախսում են թրեյնինգների ու սեմինարների վրա: Այ մարդ, էդ գումարները տվեք հասարակական կազմակերպություններին, համայնքի զարգացման ծրագրեր կանենք, սեմինարներից հոգնեցինք արդեն, որքան կարելի է սեմինար անել, գյուղի մի քանի կանանց հավաքել ու խոսել»,- այսօր «Հենարան» ակումբում ասաց Զոյա Ջուլհակյանը:
Նա դժգոհեց, որ կամավորականի աշխատանքը Հայաստանում չի գնահատվում, ըստ նրա կամավորականի մասին օրենքում հստակեցումներ անելու անհրաժեշտություն կա.«Այս օրենքի բացթողումների պատճառով կարողանում են մանեւրել: Մեր կազմակերպությունը տուգանվել է կամավորական աշխատանքների համար, մեր շահառուները եկել են բեռը բարձել եւ տեղափոխել, հարկայինը տուգանեց՝ մեղադրելով, իբրեւ թե թաքցրել ենք նրանց աշխատանքը, որ հարկեր չվճարենք»:
Հայ փախստականներին աջակցող «Ահազանգ» հ/կ գործադիր տնօրեն Ջուլիետա Երեմյանը դժգոհեց, որ 2000 թվականից հետո իրենց կազմակերպության ներկայացրած ծրագրերը չեն հաստատվում. «Չինովնիկների կանանց հ/կ-ներ կան, հենց դրանք են շահում բոլոր ծրագրերը, այնպիսի մարդկանց ծրագրեր են անցնում կառավարության սխալ վերաբերմունքի պատճառով: Այստեղ էլ ծանոթ-խնամի հարաբերությամբ են ծրագրերը հաստատվում: Որքան ուզում ես ծրագիր ներկայացրու, միեւնույնն է չի հաստատվելու, որովհետեւ միջազգային կառույցներն ունեն արդեն իրենց հ/կ-ները»:
Կարդացեք նաև
Արփինե ՍԻՄՈՆՅԱՆ
Միջազգային կազմակերպությունները անում են այն,ինչ իրենց պետք է՝ֆիկտիվ ծրագրեր ֆինանսավորել,դուք ել ֆիկտիվ հաշվետվություններ ներկայացնեք՝իբր աշխատանք եք կատարել:Նպատակը՝որպեսզի ոչինչ դեպի դրական չփոխվի, նրանք էլ տարբեր ատյաններում քննադատեն մեզ նման երկրներին ու իրենց երկրների ընտրողներին ցույց տան՝որքան իրենք ժողովրդավար են,մտածում են նրանց բարեկեցության համար….: