ՀՀ առողջապահության նախարարությունում հանրապետության առաջատար մասնագետների` ռենտգենաբան-ռադիոլոգների մասնակցությամբ քննարկվեցին ճառագայթային ախտորոշման մեթոդով իրականացվող հետազոտություններին վերաբերող հարցերը:
ՀՀ առողջապահության նախարար Արմեն Մուրադյանին ներկայացվեցին ոլորտում առկա խնդիրները: Մասնագետներն անդրադարձան կադրերի վերապատրաստման, հիվանդների ուղեգրման հարցերին: Ճառագայթային ախտորոշման մեթոդով իրականացվող հետազոտություններ իրականացնելիս մասնագետները կարևորեցին թե՛ հիվանդի, թե բուժանձնակազմի անվտանգության ապահովումը:
Քննարկվեցին ոլորտում գործող ուղեգրման կարգի վերանայմանը և այլ բժշկական փաստաթղթերի նույնականացմանն առնչվող հարցեր:
Արմեն Մուրադյանն ամփոփելով` աշխատանքային խորհրդակցությունը հանձնարարեց ձևավորել ուլտրաձայնային ախտորոշման, համակարգչային և մագնիսառեզոնանսային շերտագրման, ինչպես նաև ռադիոիզոտոպային հետազոտության ոլորտի գլխավոր մասնագետներ և աշխատանքային խմբեր, որոնք համագործակելով ՀՀ առողջապահության նախարարության համապատասխան ստորաբաժանումների հետ` հիմնվելով միջազգային փորձի վրա կներկայացնեն առկա խնդիրների լուծման մեթոդները:
Կարդացեք նաև
Կլինիկական չափորոշիչների վերանայման և մշակման գործում կարևորվեց ցուցումների և հակացուցումների, ինչպես նաև մանկական տարիքում ճառագայթային ախտորոշում անցնելու սահմանափակումների ուսումնասիրման անհրաժեշտությունը:
ՀՀ առողջապահության նախարարություն
