Երևանի քաղաքապետարանում տեղի է ունեցել Երևանի քաղաքապետին կից Երևանի քաղաքային համայնքի զարգացման քառամյա ծրագրի և տարեկան բյուջեի կառավարման խորհրդի հերթական նիստը, որի շրջանակում խորհրդի քննարկմանն ու հաստատմանն է ներկայացվել օրակարգային երկու հարց:
Խորհրդի անդամները ներկայացրել են իրենց առաջարկություններն ու մոտեցումները, որից հետո քվեարկությամբ հաստատել են «Երևան քաղաքի 2014 թվականի բյուջեի կատարման հաշվետվությունը հասատատելու մասին» Երևանի ավագանու որոշման նախագծի վերաբերյալ հանրային քննարկումների արդյունքների ամփոփման և նախագիծը Երևանի ավագանու քննարկմանը ներկայացնելու հարցը: Հաստատվել է նաև Երևանի զարգացման 2014 թվականի ծրագրի կատարման տարեկան հաշվետվության ձևաչափը:
Երևանի քաղաքապետարան
