«Մինչեւ պաշտոնական հաղորդագրություն չլինի, դժվար թե մենք կարողանանք հարյուր տոկոսով համոզված լինել, որ դա իրականություն է»,- Aravot.am-ի հետ զրույցում՝անդրադառնալով «Today’s Zaman»-ի հրապարակած տեղեկատվությանը, ըստ որի` թուրքական կառավարությունը չեղյալ է հայտարարել «Գալիպոլիի» ճակատամարտի 100-ամյակին նվիրված միջոցառումները, ասաց թուրքագետ Ռուբեն Սաֆրաստյանը:
Սակայն թուրքագետը կարծում է, որ հնարավոր է՝ այդ մասին պաշտոնական հաղորդագրություն չլինի էլ: «Որովհետեւ եթե նրանք դա արել են, հետաձգել են միջոցառումները, ապա դա նշականում է, որ նրանք շատ ծանր հարված են ստացել իրենք, խայտառակ հարված, պատճառը երեւի այն է, որ երկրների ղեկավարները մերժել են հրավերը»- ասում է Ռուբեն Սաֆրաստյանը:
Aravot.am-ի հարցին՝ հնարավո՞ր է, որ տեղեկատվությունը համապատասխանի ճշմարտությանը, թուրքագետը պատասխանում է. «Կարծում եմ, որ հնարավոր է»:
Մեր դիտարկմանը, որ առավոտվանից տարբեր շրջանակներում քննարկվում է, որ սա թուրքական քարոզչամեքենայի հերթական «խայծն է» , պարոն Սաֆրաստյանը պատասխանում է. «Կարող է այդպես լինի, բայց ես այդպես չեմ կարծում»:
Կարդացեք նաև
Հռիփսիմե ՀՈՎՀԱՆՆԻՍՅԱՆ
այդ միջոցառումը տեղի ունենա կամ ոչ,
երկու պարագային ել՝ ի նպաստ մեզի է կացությունը