Ադրբեջանի հակամենաշնորհային քաղաքականության եւ սպառողների իրավունքների պաշտպանության ծառայությունը Էկոնոմիկայի եւ արդյունաբերության նախարարության հսկողության ներքո խստացրել է գների արհեստական աճի նկատմամբ վերահսկողությունը: Այս մասին, հղում կատարելով նախարարության հաղորդագրությանը, հայտնում է «Ինտերֆաքսը»:
Հաղորդագրության մեջ նաեւ նշվում է, որ Կենտրոնական բանկի որոշմամբ փետրվարի 21-ից մանաթի պաշտոնական փոխարժեքը փոխվել է համեմատած մնացած արտարժույթների հետ: «Այս կապակցությամբ ծառայությունը ուժեղացրել է հսկիչ միջոցառումները սպառողական շուկայում չարաշահումների դեմ պայքարելու համար եւ գների արհեստական աճը կանխելու համար»:
Ավելի վաղ հաղորդվել էր, որ Կենտրոնական բանկը մանաթի պաշտոնական փոխարժեքը փետրվարի 21-ին հաստատել է 1.05 մանաթ 1 դոլարի դիմաց, իսկ փետրվարի 20-ին 0.7862 մանաթ 1 դոլարի դիմաց: Այդպիսով մանաթը արժեզրկվել է 33.5%-ով:
Պատրաստեց Աշոտ ԻՍՐԱԵԼՅԱՆԸ
Կարդացեք նաև
