Գազանաբար սպանված Ավետիսյանների քառասունքին «Շիրակ» գերեզմանատանը հանգչող նրանց շիրիմներին այցելել էին մարզային ու քաղաքային իշխանությունների ներկայացուցիչներ՝ Շիրակի մարզպետ Ֆելիքս Ցոլակյանի ու Գյումրու քաղաքապետ Սամվել Բալասանյանի գլխավորությամբ, ԱԺ Գյումրիից ընտրված պատգամավորներ. Մարտուն Գրիգորյանը իր թիմով, ՀՀԿ-ական Սուքիաս Ավետիսյանն ու Արման Սահակյանը, «Ժառանգության» առաջնորդ Րաֆֆի Հովհաննիսյանն ու Զարուհի Փոստանջյանը: Կառավարությունից եւ ոչ մեկը չկար:
Այստեղ հոգեհանգստի արարողակարգ կատարվեց, սակայն հարազատների ու առհասարակ ներկա գտնվողներից շատերի ողբի ձայնը խլացնում էր աղոթքը: Սակայն հարազատները շատ վատ զգացին իրենց, ուշագնաց եղան, երբ շիրիմների վրա սկսեցին շարել Ամերիկայում բնակվող նկարիչ Սամվել Մարությանի՝ Ավետիսյաններին պատկերած դիմանկարները: Հեղինակի կողմից ներկայացած երիտասարդը պարզաբանեց, որ նկարիչը իր հոգու պարտքն է կատարել: Դրանք իրականում շատ գեղեցիկ գրաֆիկայի աշխատանքներ էին, սակայն սեւ ու մռայլ էին…
Ավետիսյանների շիրիմներին ծաղիկների հետ խաղալիքներ էին բերում, անգամ բերեցին փոքրիկ Սերյոժայի կոշիկները:
Մանրամասները տեսանյութում.
Կարդացեք նաև
Նունե ԱՐԵՎՇԱՏՅԱՆ
It is really, really heartbreaking …