Թեեւ այժմ ավելի շատ միրգ, բանջարեղեն եւ առողջարար ուտելիք է հասանելի մարդկանց, քան երբեւէ, բայց, համաձայն 190 երկրներում անցկացված հետազոտության, աշխարհը ավելի շատ անառողջ ուտելիք է ցանկանում:
7online.com-ի տեղեկացմամբ՝ միջազգային հետազոտողները 1990-2010 թվականների ընթացքում ուսումնասիրել են ավելի քան 320 դիետաների մասին կարծիքներ եւ ուշադրություն են դարձրել, թե մարդիկ քանի անգամ են ասում, որ նրանք օգտագործել 17 նախօրոք ընտրված սննդի տեսակներից, ըմպելիք ու այնպիսի առողջարար ուտելիքներ, ինչպիսինն են մրգերը, բանջարեղենը, ձուկը եւ անառողջ ուտելիքներ ինչպիսինն են աղը, մշակված միսը եւ քաղցր ըմպելիքները:
Հետազոտությունների արդյունքում մասնագետները պարզել են, որ թեեւ մարդիկ ավելի շատ են առողջարար ուտելիք ուտում, սակայն անառողջ ուտելիքի օգտագործման ավելի մեծ աճ է դիտարկվում: Ահա, որոշ կարեւոր կետեր հետազոտության արդյունքներից.
– Մեծահասակները ավելի լավ են ուտում, քան երիտասարդները եւ կանայք ավելի առողջ են, քան տղամարդիկ,
Կարդացեք նաև
– Առողջարար ուտելիքի օգտագործման աճ է նկատվել Մոնղոլիայում, Լատինական Ամերիկայում եւ Կարիբյան տարածաշրջանում: Երկրները, որոնք կարիք ունեն կտրուկ փոխելու իրենց ուտելիքները Բոսնիան, Հայաստանը եւ Դոմինիկյան Հանրապետությունն են:
– ԱՄՆ-ում պատկերը խառն է. այնտեղ եւ առողջարար, եւ ոչ առողջարար ուտելիքների օգտագործման աճ է նկատվել:
Հետազոտության հեղինակներից մեկը՝ բժիշկ Դարիուշ Մոզաֆֆարիան ասում է, որ երկար ճանապարհ կա անցնելու: Նա նաեւ հավելել է, որ չնայած Արեւմուտքի բնակիչներն են ամենաշատ անառողջ ուտելիք օգտագործողների շարքում, սակայն Չինաստանը եւ Հնդկաստանը արդեն հասնում են նրանց, եւ կառավարությունները պետք է միջամտեն: «Մենք չենք կարող սա այսպես թողնել»:
Հետազոտողները նաեւ պարզել են, որ Աֆրիկայի եւ Ասիայի որոշ երկրներում 20 տարիների ընթացքում առաջընթաց չի եղել:
Պատրաստեց Աշոտ ԻՍՐԱԵԼՅԱՆԸ
