Այսօր գյումրեցիները Ավետիսյանների հարազատների հետ մտան նրանց տան բակ. տան ներսից պիտի դուրս բերեին լուսանկարները գերեզմանոց տանելու համար: Տան բակում դեռ փռված էր լվացքը՝ հիմնականում մանկական շորերով ու դրված էր այն երկաթյա դուռը, որ Ավետիսյանները գնել էին իրենց սպանությունից մի քանի օր առաջ տան փայտյա դուռը փոխելու նպատակով: 
Հերթով դուրս էին բերում լուսանկարները: Լուսանկարները, ըստ տարիքի, միմյանց կողք շարող տղամարդը խոսում էր նրանցից յուրաքանչյուրի հետ, երբ հերթը հասավ փոքրիկ Հասմիկին ու Սերյոժային՝ վերջինս սկսել լացելով գոռալ. «Գոնե ձեզ խնայեին պստիկներ ջան, ի՞նչ էիք արել դուք այ անմեղներ, ո՞ւր ես Տեր Աստված… »:
Իսկ տան ներսում միակ կենդանությունը հաղորդողը պատի ժամացույցն էր, որը դեռ աշխատում էր:
Նունե ԱՐԵՎՇԱՏՅԱՆ
Կարդացեք նաև
