«Հռչակագրում երևում է քաղաքացիների մեծամասնությանը սիրաշահելու ցանկությունը, քանի որ ուսումնասիրվել և հասկացվել է, որ պահանջատիրությունը հասարակության համակրանք է առաջացնում»,-այսօր «Տեսակետ» մամուլի ակումբում լրագրողների հետ հանդիպմանը անդրադառնալով Հայոց ցեղասպանության 100-ամյա տարելիցին նվիրված հռչակագրին, այսպիսի կարծիք հայտնեց Երևանի մամուլի ակումբի նախագահ Բորիս Նավասարդյանը: Ըստ նրա՝ հենց այդ պատճառով է պահանջատիրությունը դարձել հռչակագրի հիմքը, թեև հակասում է նախորդ տարիների աշխատանքներին բովանդակությունը:
Ըստ Բորիս Նավասարդյանի՝ իշխանությունն այդ ամենն անում է ներքին կայունություն պահպանելու համար: Պարոն Նավասարդյանի տպավորությամբ՝ նույն վերաբերմունքը չկա հայ-թուրքական արձանագրությունների նկատմամբ. «Թեև ՀՀ նախագահի որոշումը հետ է կանչվել խորհրդարանից, սակայն ստորագրությունները հետ չեն կանչվել: Ըստ նրա, եթե ստորագրությունները նույնպես հետ կանչվեն, ապա դա ևս կլինի ներքին ճնշման արդյունք, և ոչ թե ճիշտ որոշում կայացնելու արդյունք»:
Ըստ Բորիս Նավասարդյանի՝ ՀՀ-ն 2008-ին կարիք ուներ աշխարհին ցույց տալու, որ ինքը պատրաստ է հարաբերությունների Թուրքիայի հետ, իսկ ստորագրությունները հետ կանչելը սխալ կլիներ: Նա նկատեց, որ խորհրդարանից արձանագրությունների վավերացման որոշումը հետ կանչելը Հայաստանին և Թուրքիային բերեց նույն կարգավիճակին: Պարոն Նավասարդյանը նշեց. «Դա ամենաարդարացված դիրքորոշումն է»:
Բորիս Նավասարդյանի կարծիքով՝ ՀՀ ներքաղաքական իրավիճակը ևս այս պահի դրությամբ աշխատում է հօգուտ ՀՀ արտաքին քաղաքականության, քանի որ ապրիլի 24-ի նախօրյակին այնուամենայնիվ, հնարավոր եղավ ապահովել ներքաղաքական կայունություն:
Կարդացեք նաև
Տաթև ՀԱՐՈՒԹՅՈՒՆՅԱՆ
