Փետրվարի 19-ին Վարչական դատարանում դատավոր Ռաֆիկ Խանդանյանը հրապարակեց վերլուծաբան Արգիշտի Կիվիրյանի վարչական պատասխանատվության ենթարկելու մասին ՀՀ ոստիկանության հայցի վերաբերյալ դատարանի վճիռը:
Դատարանը վճռել է բավարարել ոստիկանության հայցը եւ տուգանել Կիվիրյանին 50.000 դրամով, իսկ Արգիշտի Կիվիրյանի հակընդդեմ հայցը՝ մերժել:
Արգիշտի Կիվիրյանը Aravot.am-ի հետ զրույցում նշեց, որ դատարանի վճիռը բողոքարկելու է բոլոր հնարավոր միջոցներով՝ հնարավոր բոլոր ատյաններում. «Մենք գիտենք, որ այսօր Հայաստանի Հանրապետությունում չկա արդարադատություն եւ չկա անկախ դատական համակարգ, այլ դատարանները հանդիսանում են իշխանությունների եւ ոստիկանության կցորդները: Դատարանը կայացրեց այդ պատվերն իմ դեմ, ես դա որակում եմ միմիայն որպես պատվեր»:
Արգիշտի Կիվիրյանը մեղավոր է ճանաչվել 2014 թվականի ապրիլի 4-ին ի պաշտպանություն «Ցեղակրոն» կուսակցության նախագահ Շանթ Հարությունյանի անցկացված երթի ընթացքում ոստիկանության օրինական պահանջը չկատարելու համար:
Կարդացեք նաև
Ամի ՉԻՉԱԿՅԱՆ
