ՀՅԴ Հայաստանի Երիտասարդական և Պատանեկան միությունները ՀՅԴ «Արամ Մանուկյան» երիտասարդական կենտրոնի 6-րդ հարկի դահլիճում կազմակերպել էին արտերկրում տպագրված եզակի գրքերի ցուցադրություն՝ Առաջին Հանրապետության արխիվի բացառիկ փաստագրական նյութեր, «Նեմեսիս» գործողության վրիժառուների՝ Սողոմոն Թեհլերյանի, Արշավիր Շիրակյանի, Միսաք Թոռլաքյանի և մյուսների, նաև 19-րդ դարի ֆիդայական շարժման, անհատ գործիչների հուշագրություններ, ինչպես նաև ներկայացված են լինելու անհատական հավաքածուներից Դաշնակցության պատմության վավերագրեր և հայ գրականության տպագրության բացառիկ նմուշներ:
Մինչ ՀՅԴ մամլո դիվանի պատասխանատու, պատմաբան Արտաշես Շահբազյանի զեկույցը, դիմեցինք ՀՅԴ երիտասարդական միության կենտրոնական վարչության ներկայացուցիչ Անի Խաչատրյանին:
Նա ասաց, որ գրքերի ցուցադրությունը կլինի երեք օր:
Կարդացեք նաև
Այս ցուցադրությունը կրում է «Հայ գիրքը եւ հայկական ինքնությունը» խորագիրը եւ նվիրված է Հովհաննես Թումանյանի ծննդյան օրվան, որին անմասն չեն մնացել իրենք:
Ի դեպ, ըստ Ա. Խաչատրյանի, բաժիններից մեկը նվիրված է Ցեղասպանության 100 ամյակին:
Ա.Խաչատրյանը եզակի գրքերի մեջ ցուցադրեց Թումանյանի «Անուշը» Կ.Պոլսում տպագրված, 1921թ.հրատ, Պետրոս Դուրյանի Բաքվում տպագրված բանաստեղծությունները՝ 1900թ., Պերճ Պռոշյանի «Նա» ստեղծագործությունը՝ 1886թ.հրատարակության, «Նավը լերան վրա» Կոստան Զարյանի հիսուն օրինակ գրքերից մեկը:
Այցելուների թիվը բավականին շատ է, մանրամասները քիչ հետո:
