Քիչ առաջ ՀՀ վերաքննիչ դատարանը մերժել է նախկին պատգամավոր Հակոբ Հակոբյանի (Ճոյտ) պաշտպանների բողոքը: Այդ մասին Aravot.am-ի հետ զրույցում ասաց Հակոբ Հակոբյանի պաշտպան Կարեն Սարդարյանը:
Հակոբյանի պաշտպանները բողոք էին ներկայացրել ՀՀ վերաքննիչ դատարան` վիճարկելով առաջին ատյանի դատարանի` Հակոբ Հակոբյանի նկատմամբ որպես խափանման միջոց կալանքն ընտրելու որոշումը:
Հիշեցնենք, որ Հակոբ Հակոբյանը կալանավորվել է փետրվարի 4 –ին: Նա մեղադրվում է ապօրինի ձեռնարկատիրության եւ հարկերը, տուրքերը կամ պարտադիր այլ վճարումները վճարելուց չարամտորեն խուսափելու մեջ:
Կարեն Սարդարյանն ասաց նաեւ, որ իրենք շարունակելու են վիճարկել առաջին ատյանի դատարանի որոշումը, քանզի անհիմն են համարում այն:
Կարդացեք նաև
Նելլի ԳՐԻԳՈՐՅԱՆ
