Առաջին նախագահ Լեւոն Տեր Պետրոսյանը Սերժ Սարգսյանին ուղղված բաց նամակում առաջարկել էր Ցեղասպանության հռչակագրի հետ կապված ստեղծել նոր հանձնաժողով, որոնց կազմում ներկայացրել էր մի քանի մարդկանց անուններ, այդ թվում՝ Ալեքսանդր Արզումանյանին:
Այսօր լրագրողների հետ զրույցում մեր հարցին՝ այդ ցուցակում Ձեր անունը նշելն ի՞նչ էր նշանակում,Դուք համաձա՞յն եք այդ հանձնաժողովի կազմում լինել՝ նա պատասխանեց. «Իմ անունն ինչո՞վ է տարօրինակ: Ես հայ-թուրքական հաշտեցման հանձնաժողովի հիմնադիրներից եմ: Այդ հարցերով զբաղվել եմ 20 տարի: Եվ եթե որեւէ մեկը գտնում է, որ այդ թեմայով կարելի է քննարկում անել, ակնհայտ է, որ ես կարող էի մտքներով անցնել: Այլ հարց է, որ իմ մոտեցումն ուրիշ է»:
Թե ինչ նկատի ուներ պարոն Արզումանյանը ուրիշ մոտեցում ունենալ ասելով՝ չմանրամասնեց՝ խոստանալով խոսել այդ թեմայով ավելի ուշ:
Թե ինչու էր ցուցակում տեղ գտել նաեւ Վանո Սիրադեղյանը, նա կարո՞ղ է արդյոք վերադառնալ՝ Ալեքսանդր Արզումանյանը հորդորեց այդ հարցն ուղղել Լեւոն Տեր-Պետրոսյանին. «Նա ձեզ կպատասխանի»:
Կարդացեք նաև
Հռիփսիմե ՋԵԲԵՋՅԱՆ
