Երբ Ազգային ժողովը նոյեմբերի 20-ին մերժեց «Անձնական տվյալների պաշտպանության մասին» ՀՀ օրենքում լրացումներ կատարելու նախագիծը, կառավարությունը շտապեց լրամշակել այն եւ կրկին դնել շրջանառության մեջ։ Արդեն տարեվերջին օրինագծի լրամշակված տարբերակը դրական եզրակացություն ստացավ կառավարության կողմից եւ ուղարկվեց Ազգային ժողով։
«Չորրորդ իշխանությունը» նախագծի լրամշակված տարբերակի մասին զրուցեց Հայ ազգային կոնգրես խմբակցության պատգամավոր Գագիկ Ջհանգիրյանի հետ։ Պատգամավորը տեսակետ հայտնեց, որ կատարված լրամշակումները սկզբունքային կամ առանցքային չեն եղել, փոփոխությունները կրել են խմբագրական բնույթ։
«Այդ պատճառով խնդրեցի օրինագծի զեկուցող արդարադատության փոխնախարար Սուրեն Մկրտչյանին անդրադառնալ հատկապես այն դրույթներին, որոնք փոխվել են ԱԺ-ում նախագիծը մերժվելուց հետո։ Ականատես եղանք, որ էական որեւէ փոփոխություն չի կատարվել։ Մեր այն մտահոգությունները, որ նախագիծը թեեւ վերնագրված է անձնական տվյալների պաշտպանության մասին օրինագիծ, սակայն նրանում ավելի շատ խոսքը գնում է անձնական տվյալների փոխանցման, հավաքման եւ այլ երկրների կամ երրորդ անձանց փոխանակման մասին»,- պարզաբանեց պատգամավորը։
Պատգամավորը նկատեց, որ օրինագծում տեղ են գտել նաեւ այլ մտահոգիչ ձեւակերպումներ, որոնք նախագիծը դարձնում են անորոշ, շատ ընդհանուր եւ կարող են տալ կամայական մեկնաբանություններ եւ կիրառման հնարավորություններ։
Կարդացեք նաև
Լիլիթ ԼԱԼԱՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
