Նրանց անցած ճանապարհը հեշտ չի եղել, աշխատել են, ձգտել ամենալավին, փնտրել են կատարյալի ճանապարհը, հիասթափությունն ու դժվարություններն են եղել այդ մարդկանց կյանքի ուսուցիչները, ամեն ինչին դիմացել են՝ համառությունն ու նպատակասլացությունը դարձնելով կյանքի ուղենիշ: Նրանք ապրում են մեր կողքին, շատերս գիտենք նրանց, գնահատում ենք նրանց կատարած աշխատանքը: Նրանք մարդիկ են, որոնք հաջողել են: Մեր կողքին ապրողների հաջողության գաղտնիքներն է «Առավոտը» փորձելու բացահայտել իր նոր՝ «Հաջողության բանաձեւը» շարքում:
Շարքի առաջին հրապարակմամբ բացահայտում ենք դերասան Նարեկ Դուրյանի անցած ճանապարհն ու կերտած հաջողությունները, որոնց մասին կարող եք կարդալ վաղվա տպագիր «Առավոտում»:
Հռիփսիմե ՀՈՎՀԱՆՆԻՍՅԱՆ
