ՀՀ կրթության եւ գիտության նախարար Արմեն Աշոտյանն ու ՀՀԿ-ական պատգամավոր Կարեն Ավագյանն այսօր հրաժարվեցին պատասխանել Հայաստանի ներքաղաքական իրավիճակին վերաբերվող Aravot.am-ին հարցերին: Վերջիններս այսօր մասնակցում էին «ԵՄ-Հայաստան հարաբերութուններ. նոր ուղիների ուրվագծում» թեմայով քննարկմանը:
ՀՀԿ-ական այս գործիչների բացատրություններն ու պարզաբանումները հետաքրքիր էին առավել, քանզի ՀՀԿ ԳՄ նիստում ՀՀԿ եւ ՀՀ նախագահ Սերժ Սարգսյանի`Գագիկ Ծառուկյանին նվիրված ծրագրային ելույթից հետո, այս գործիչներն էին, որ ԲՀԿ-ին ու նրա առաջնորդին առավել կոշտ գնահատականներ ու որակումներ տվեցին:
Արդյոք դրանք շարունակո՞ւմ են մնալ ուժի մեջ, այս հաշտությունը չի՞ փոխել կրթության նախարարի մոտեցումները`աշակերտների կրթական ցենզի ու իդեալների առումով եւ այլն, Aravot.am-ի հարցերն անպատասխան մնացին: «Քաղաքական ոչ մի հարցի չեմ պատասխանում»,- ժպտալով ասաց Արմեն Աշոտյանը:
Նկատենք, որ Սերժ Սարգսյանն ու Գագիկ Ծառուկյանն արդեն իսկ համաձայնության են եկել, ինչի արդյունքում տարածվեց ԲՀԿ նախագահի հայտարարությունն այն մասին, որ բոլոր խնդիրները պետք է լուծվեն խաղաղ, օրինական, քաղաքական ճանապարհով:
Կարդացեք նաև
Նելլի ԳՐԻԳՈՐՅԱՆ
